ທ່ອງທ່ຽວ ຫວຽດນາມ ໄດ້ຮັບ 16 ລາງວັນແຖວໜ້າຂອງໂລກຢູ່ World Travel Awards 2022
(VOVWORLD) -ຫວຽດນາມມີຄວາມເປັນກຽດໄດ້ຮັບ 16 ລາງວັນແຖວໜ້າໂລກ ໃນພິທີມອບລາງວັນທ່ອງທ່ຽວທົ່ວໂລກຄັ້ງທີ 29- World Travel Awards 2022 ເຊິ່ງຈັດຂຶ້ນຢູ່ ໂອມານ
ວັນທີ 11 ພະຈິກ, ລາງວັນ Oscar ຂອງທ່ອງທ່ຽວໂລກ World Travel Awards ໄດ້ປະກາດບັນຊີລາຍຊື່ລາງວັນລະດັບ ໂລກ ປີ 2022, ຫວຽດນາມ ມີຄວາມເປັນກຽດໄດ້ຮັບ 16 ລາງວັນແຖວໜ້າໂລກ. ຕໍ່ໄປໄດ້ນີ້ VOV5 Media ແນະນຳ 5 ນາມມະຍົດໃຫຍ່ໃນຈຳນວນລາງວັນທີ່ຫວຽດນາມ ຍາດມາໄດ້.
ຫວຽດນາມ - ສະຖານທີ່ມໍລະດົກແຖວໜ້າໂລກ
ໃນລະດັບຊາດ, ຫວຽດນາມໄດ້ຮັບການເຊີດຊູແມ່ນສະຖານທີ່ມໍລະດົກແຖວໜ້າໂລກ. ນີ້ແມ່ນຄັ້ງທີ 3 ຫວຽດນາມ ໄດ້ຮັບລາງວັນນີ້, ຫວຽດນາມ ໄດ້ຮັບລາງວັນນີ້ 2 ຄັ້ງກ່ອນແມ່ນໃນປີ 2019 ແລະ ປີ 2020.
 |
| ທັດສະນີຍະພາບທີ່ເປັນໜ້າປະທັບໃຈຂອງອ່າວ ຮະລອງ ໃນແຂວງກວາງນິງ ໄດ້ຮັບຖືວ່າແມ່ນໜຶ່ງໃນບັນດາສັນຍາລັກໃຫ້ແກ່ທ່ອງທ່ຽວ ຫວຽດນາມ |
 |
| ຜູ້ອຳນວຍການໃຫຍ່ UNESCO ໃຫ້ຂໍ້ສັງເກດວ່າກຸ່ມທິດທັດທຳມະຊາດ ຈ່າງອານ ໃນແຂວງນິງບິ່ງ ໄດ້ປະສານສົມທົບຢ່າງສຳເລັດຜົນລະຫວ່າງການພັດທະນາເສດຖະກິດ ແລະ ການທ່ອງທ່ຽວແບບຢືນຢົງ ແຕ່ຍັງຄົງຮັກສາທຳມະຊາດ. ພາບ: vietnamnet.vn |
 |
| ກຳແພງລາດຊະວົງໂຮ່ ໃນແຂວງແທງຮວາແມ່ນກິດຈະກຳໃຫຍ່ໂຕ ດ້ວຍສະຖາບັດຕະຍາກຳດ້ວຍຫີນທີ່ມີຂອບຂະໜາດໃຫຍ່ ແລະ ຫາຍາກຢູ່ ຫວຽດນາມ. ປີ 2011. ກຳແພງລາດຊະວົງໂຮ່ ໄດ້ຮັບການຮັບຮອງຈາກ UNESCO ແມ່ນນາມມະຍົດວັດທະນະທຳໂລກ.ພາບ: hutc.org |
 |
| ປູຊານີຍະສະຖານ ມີເຊີນ ໄດ້ຮັບການເລືອກເຟັ້ນຈາກ UNESCO ວ່າ ມໍລະດົກວັດທະນະທຳໂລກ ເມື່ອປີ 1999 (ພາບ: : vntravellive.com) |
ຮ່າໂນ້ຍ - ສະຖານທີ່ພັກຜ່ອນໄລຍະສັ້ນແຖວໜ້າໂລກ
ຮ່າໂນ້ຍ ໄດ້ຮັບການເຊີດຊູໃນລາງວັນ “ນະຄອນແຖວໜ້າໂລກ ສຳລັບການພັກຜ່ອນໄລຍະສັ້ນ”. ນະຄອນຫຼວງຮ່າໂນ້ຍ ໄດ້ລືນກາຍສະຖານທີ່ອື່ນໆໃນແຜນທີ່ທ່ອງທ່ຽວໂລກຄື: Athens, Dubai, Geneva , Las Vegas ແລະ New York, Lisbon.
 |
| ໃນຍາມລະດູຮ້ອນ, ສີແດງຂອງດອກຝາງໄດ້ສ້າງຄວາມງາມໃຫ້ແກ່ທາດເຕົາໃນໜອງ ເງືອມ ຮ່າໂນ້ຍ |
 |
| ເຂດປູສະນີຍະສະຖານໃຈກາງພະລາດຊາວັງທັງລອງ - ຮ່າໂນ້ຍ. ພາບ: hoangthanhthanglong.com |
 |
| ຮູບພາບຂົວລອງບຽນໃນຍາມສາຍັນລະດູໃບໄມ້ຫຼົ່ນຢູ່ຮ່າໂນ້ຍ.ຂົວລອງບຽນໄດ້ກາຍເປັນໜຶ່ງໃນບັນດາສັນຍາລັກຂອງຮ່າໂນ້ຍ. ພາບ: danviet.vn |
ໂມກເຈົາ - ສະຖານທີ່ທ່ອງທ່ຽວທຳມະຊາດແຖວໜ້າໂລກ
ໂມກເຈົາໃນແຂວງເຊີນລາ ໄດ້ລືນກາຍສະຖານທີ່ທີ່ລື່ຊື່ອື່ນໆໃນໂລກ ແລະ ໄດ້ຮັບລາງວັນ “ສະຖານທີ່ທ່ອງທ່ຽວທຳມະຊາດ ແຖວໜ້າໂລກປີ 2022”. ນີ້ເປັນຄັ້ງທຳອິດທີ່ໂມກເຈົາໄດ້ຮັບລາງວັນອັນປະເຊີດນີ້.
 |
| ບັນດາໂນນຊາຢູ່ມົກເຈົາໄດ້ດຶງດູດໃຈແຂກທ່ອງທ່ຽວ ຍ້ອນຄວາມງາມທຳມະຊາດ ແລະ ອາກາດປອດໂປງ. |
 |
| ຫ່າງຈາກເທດສະບານເມືອງໂມກເຈົາ 30 ກີໂລແມັດ, ຈອມພູ ຟະລວງ ຖືອຸປະມາດັ່ງຫຼັງຄາຂອງໂມກເຈົາ, ນອນຢູ່ເຄິ່ງກາງຊາຍແດນ ຫວຽດນາມ - ລາວ. ພາບ: : FB Oldcatdo |
 |
| ໂນນດອກພັກກາດ ຢູ່ເຂດພູພຽງໂມກເຈົາ. ພາບ: vfo.vn |
ຕາມດາວ - ເທດສະບານເມືອງທ່ອງທ່ຽວແຖວໜ້າໂລກ
ເທດສະບານເມືອງຕາມດາວ ໃນແຂວງວິງຟຸກ ໄດ້ລືນກາຍບັນດາສະຖານທີ່ທີ່ລື່ຊື່ອື່ນໆໃນໂລກ ເພື່ອກາຍເປັນເທດສະບານເມືອງທ່ອງທ່ຽວແຖວໜ້າໂລກ ປີ 2022.
 |
| ໃຈກາງຕາມດາວ ເບິ່ງຈາກບອນສູງ ພາບ: VNExpress |
 |
| ໂບດຫີນທີ່ເກົ່າແກ່ແມ່ນສັນຍາລັກການທ່ອງທ່ຽວຂອງຕາມດາວ: ພາບ: VNExpress |
 |
| ນ້ຳຕົກຕາດທາກບາກ ນອນຢູ່ໃຈກາງເທດສະບານເມືອງ ດັ່ງນັ້ນກໍ່ມີຄວາມສະດວກໃຫ້ແກ່ແຂກທ່ອງທ່ຽວແວ່ຢ້ຽມຊົມ (ພາບ: VNExpress) |
ນີ້ແມ່ນຄັ້ງທຳອິດທີ່ເທດສະບານເມືອງຕາມດາວ ໄດ້ຮັບລາງວັນຈາກອົງການ World Travel Awards.
ຝຸກວັກ - ສະຖານທີ່ທ່ອງທ່ຽວເຂດທະເລໝູ່ເກາະທຳມະຊາດແຖວໜ້າໂລກ
ພ້ອມກັບບັນດາລາງວັນທີ່ປະເສີດເຊິ່ງຫວຽດນາມ ໄດ້ຮັບຢູ່ WTA ຄັ້ງທີ 29 ຢູ່ ໂອມານ, ນະຄອນເກາະ ຝຸກວັກ ໃນແຂວງກຽນຢາງ ໄດ້ຮັບລາງວັນ “ເກາະທຳມະຊາດທີ່ດູດດື່ມແຖວໜ້າໂລກ”.
 |
| ຝຸກວັກມີຊື່ສຽງດ້ວຍຄວາມງາມຂອງແສງແດດທະເລຂຽວງາມ ແລະ ຍາມດວງຕາເວັນຕົກດິນທີ່ເປັນໜ້າປະທັບໃຈ, ພ້ອມກັບຊາວທ້ອງຖິ່ນ ມີຈິດໃຈຮັກແພງແຂກຄົນ. ພາບ: Sun Group |
 |
| ຫາດຊາຍທະເລ ບາຍແກມໃນຝຸກວັກ ທີ່ແຂວງກຽນຢາງໄດ້ຮັບການແນະນຳໃນຈຳນວນ 50 ຫາດຊາຍທະເລທີ່ສວຍງາມທີ່ສຸດໃນໂລກ ໂດຍບໍລິສັດທ່ອງທ່ຽວ Flight Network ຂອງການາດາເລືອກເຟັ້ນເມື່ອປີ 2018. ພາບ: Sun Group |
 |
| ລະບົບອູໄຟຟ້າຮອນເທິມເລີ່ມສົ່ງແຂກທ່ອງທ່ຽວຈາກສະຖານີອານເທີຍ ຮອດສະຖານີຮອນເທິມ. ນີ້ແມ່ນລະບົບອູໄຟຟ້າຍາວທີ່ສຸດໃນໂລກ ດ້ວຍຄວາມຍາວ 7.899 ແມັດ. ພາບ: Zing |