ບັນດາພາບຖ່າຍທີ່ເປັນໜ້າປະທັບໃຈໃນພິທີເປີດ SEA Games 31 Le Chi - ວັນສຸກ ທີ 13 ພຶດສະພາ ຄ.ສ. 2022 | 9:12:36 (VOVWORLD) - ພີທີເປີດ SEA Games 31 ລວມມີ 3 ພາກຕົ້ນຕໍຄື: ພາກເປີດສາກ: ຫວຽດນາມ ເປັນມິດ; ພາກທີ 2: ອາຊີຕາເວັນອອກສ່ຽງໃຕ້ເຂັ້ມແຂງ; ພາກທີ 3: ອາຊີຕາເວັນອອກສ່ຽງໃຕ້ ເປັ່ງປະກາຍແສງສະຫວ່າງ. ຕອນຄ່ຳວັນທີ 12 ພຶດສະພາ 2022, ພິທີເປີດງານມະຫາກຳກິລາອາຊີຕາເວັນອອກສ່ຽງໃຕ້ຄັ້ງທີ 31 ປີ 2022 (SEA Games) ໄດ້ດຳເນີນໄປຢ່າງອະລັງການ ແລະ ມີສີສັນຫຼາກຫຼາຍຢູ່ສະໜາມກິລາ ມິ້ດິ່ງ, ນະຄອນຫຼວງ ຮ່າໂນ້ຍ, ໂດຍມີການເຂົ້າຮ່ວມຂອງ 11 ຄະນະນັກກິລາຂອງພາກພື້ນ ອາຊີຕາເວັນອອກສ່ຽງໃຕ້. ກອງທະຫານປະຕິບັດພິທີແຫ່ທຸງຊາດ ປະເທດ ສສ. ຫວຽດນາມ ພາບ: VNExpress ທຸງຊາດ ຫວຽດນາມ ຢູ່ສະໜາມກິລາ ມິ້ດິ່ງ ພາບ:Zing ເປີດສາກພິທີເປີດແມ່ນບັນດາລາຍການສະແດງສິລະປະທີ່ເປັນໜ້າປະທັບໃຈ, ໂດຍໄດ້ແນວຄິດມາຈາກພາບທີ່ເປັນສັນຍາລັກໃຫ້ແກ່ປະເທດຊາດ ແລະ ຊາວ ຫວຽດນາມ. ການສະແດງກອງທອງ ພາບ: VNExpress ຟ້ອນໄມ້ໃຜ່ “ຫວຽດນາມ ສະບາຍດີ” ພາບ:Zing ຟ້ອນດອກບົວ “ວິນຍານ ຫວຽດນາມ” ບົດຟ້ອນດອກບົວແມ່ນການສົ່ງສານໃຫ້ບືນຕົວຂຶ້ນຜ່ານຜ່າຄວາມຫຍຸ້ງຍາກເພື່ອເປັ່ງປະກາຍແສງສະຫວ່າງ ພາບ:Zing ສັນຍາລັກຂອງ 40 ປະເພດກິລາ, ບັນດາປະເທດ ໄດ້ສະແດງອອກຜ່ານພາບແຕ້ມ ດົງໂຮ່ ພາບ:Zing ຟ້ອນກຸບ “ເສັ້ນທາງມາ ຫວຽດນາມ” ພາບ:Zing ຍ້ອນໂລກລະບາດໂຄວິດ-19, ແຕ່ລະຄະນະນັກກິລາໄດ້ຈັດສົ່ງນັກກິລາ 31 ຄົນ - ຕົວເລກທີ່ເປັນຕົວແທນໃຫ້ງານມະຫາກຳກິລາ ຄັ້ງທີ 31 - ເຂົ້າຮ່ວມການເດີນຂະບວນ. ນັກກິລາລອຍນ້ຳ ຫງວຽນຮຸຍຮ່ວາງ ເປັນກຽດໄດ້ຈັບທຸງຊາດ ນຳໜ້າຄະນະນັກກິລາ ຫວຽດນາມ ເດີນເຂົ້າເວທີ ພິທີແຫ່ ແລະ ຊັກທຸງສະຫະພັນກິລາ ອາຊີຕາເວັນອອກສ່ຽງໃຕ້ ແລະ ທຸງ SEA Games ພາບ:Zing ທ່ານປະທານປະເທດ ຫວຽດນາມ ຫງວຽນຊວັນຟຸກ ຖະແຫຼງເປີດ SEA Games 31 ຈູດທວນໄຟ SEA Games 31 ຢ່າງເປັນທາງການ ທວນໄຟຢູ່ສະໜາມກິລາ ມິ້ດິ່ງ ໄດ້ຈູດຄືນໃໝ່ ນັບແຕ່ຄັ້ງທຳອິດຫ່າງຈາກນີ້ 19 ປີໃນ SEA Games 22 ພາບ: VNExpress Let's Shine (ຈົ່ງປະກາຍແສງສະຫວ່າງ), ບົດເພງຫົວຂໍ້ຂອງ SEA Games 31 ແລະ ສິ້ນສຸດພິທີໄຂ ດ້ວຍການຍິງບັ້ງໄຟດອກພາບ: Zing Le Chi ຕອບກັບ ສົ່ງ ຂ່າວ/ບົດອື່ນ ການເດີນທາງພິຊິດຈອມພູ ກີກວານຊານ - ແບັກມົກເລືອງຕື ປະທັບໃຈຕໍ່ຄວາມງາມຂອງລະດູໃບໄມ້ຫຼົ່ນ ຮ່າໂນ້ຍ ລ້ອນອ່ຽນ ຖຸຍເລີ້ຍ - ເຍື່ອງອາຫານທີ່ຊາວ ຮ່າໂນ້ຍ ນິຍົມ ບ້ານເກົ່າ ກື້ດ່າ - ບ່ອນເກັບຮັກສາບັນດາຈຸດວັດທະນະທຳເປັນເອກະລັກສະເພາະຂອງເຂດທົ່ງພຽງທາງພາກເໜືອ ຫວຽດນາມ
ສະແດງຄວາມຮູ້ບຸນຄຸນຕໍ່ຄຸນງາມຄວາມດີອັນໃຫຍ່ຫຼວງຂອງທະຫານອາສາສະໝັກ ແລະ ນັກຊ່ຽວຊານ ຫວຽດນາມ ຊ່ວຍເຫຼືອ ລາວ
ສື່ມວນຊົນ ລາວ ຍ້ອງຍໍສັນລະເສີນ ຄຸນງາມຄວາມດີຂອງທະຫານອາສາສະໝັກ ຫວຽດນາມ ແລະ ຜູ້ຊ່ຽວຊານ ຫວຽດນາມ
ພົນເອກ ຈັນສະໝອນ ຈັນຍະລາດ: ການເສຍສະຫຼະອັນຍິ່ງໃຫຍ່ຂອງກອງທັບ ແລະ ປະຊາຊົນ ຫວຽດນາມ ອ້າຍນ້ອງຍາມໃດກໍຝັງເລິກໃນດວງໃຈປະຊາຊົນ ລາວ
ສະມາຄົມອາຊີບຫາປາ ຫວຽດນາມ ຄັດຄ້ານຕໍ່ເລື່ອງ ຈີນ ຫ້າມຫາປາຢູ່ທະເລຕາເວັນອອກປີ 2022 ຕາມລຳພັງໃຈ
ງານວາງສະແດງຫົວຂໍ້ “ຮ່ວາງຊາ, ເຈື່ອງຊາ ແມ່ນຂອງ ຫວຽດນາມ - ບັນດາພະຍານຫຼັກຖານປະຫວັດສາດ ແລະ ນິຕິທຳ” ຢູ່ແຂວງ ບັກຢາງ