ຄະນະບໍລິຫານງານສູນກາງພັກກອມມູນິດຫວຽດນາມ ໂດຍທ່ານ ເລຂາທິການໃຫຍ່ ຫງວຽນຟູຈ້ອງ ເປັນຫົວຫນ້າຄະນະເຂົ້າໄວ້ອາໄລທ່ານປະທານປະເທດເຈີນດ້າຍກວາງ

ຄອບຄົວ ແລະ ຍາດຕິພີ່ນ້ອງຂອງທ່ານປະທານປະເທດເຈີນດ້າຍກວາງ ເຂົ້າໄວ້ອາໄລ ຍ່າງອ້ອມໂລງເພື່ອສັ່ງລາ

ທ່ານເລຂາທິການໃຫຍ່ ຫງວຽນຟູຈ້ອງ ຖະຫວາຍທູບທຽນໄວ້ອາໄລທ່ານປະທານປະເທດເຈີນດ້າຍກວາງ

ເມື່ອຂຽນໃນປື້ມໄວ້ອາໄລ, ທ່ານເລຂາທິການໃຫຍ່ ຫງວຽນຟູຈ້ອງ ສະແດງຄວາມເສົ້າສະຫລົດໃຈຢ່າງສຸດຊຶ້ງຕໍ່ການຈາກໄປຂອງທ່ານ ເຈີນດ້າຍກວາງ, ເປັນການນຳທີ່ໄດ້ມີການອຸທິດສ່ວນອັນໃຫຍ່ຫລວງໃຫ້ແກ່ພາລະກິດອັນສະຫງ່າລາສີຂອງພັກ ແລະ ລັດຫວຽດນາມ. ການຈາກໄປຂອງທ່ານປະທານປະເທດເຈີນດ້າຍກວາງ  ແມ່ນການສູນເສຍຢ່າງໃຫຍ່ສຳລັບພັກ, ລັດ ແລະ ປະຊາຊົນຫວຽດນາມ.

ທ່ານນາຍົກລັດຖະມົນຕີຫງວຽນຊວນຟຸກ ນຳຫນ້າຄະນະຜູ້ແທນລັດຖະບານເຂົ້າໄວ້ອາໄລ

ທ່ານນາງ ດັ້ງທິງອກທີ້ງ ຜູ້ຮັກສາການປະທານປະເທດ ນຳຫນ້າຄະນະຜູ້ແທນປະທານປະເທດ ເຂົ້າໄວ້ອາໄລ

ຄະນະຜູ້ແທນຄະນະກຳມະການສູນກາງແນວໂຮມປະເທດຊາດຫວຽດນາມ ເຂົ້າໄວ້ອາໄລ

ຄະນະຜູ້ແທນຄະນະພັກການທະຫານສູນກາງ ໂດຍທ່ານພົນເອກ ໂງຊວນລິກ, ລັດຖະມົນຕີກະຊວງປ້ອງກັນປະເທດນຳຫນ້າເຂົ້າໄວ້ອາໄລ

ຄະນະຜູ້ແທນຄະນະພັກຕຳຫລວດສູນກາງ ໂດຍພົນໂທ ໂຕເລີມ ລັດຖະມົນຕີກະຊວງຕຳຫລວດນຳຫນ້າເຂົ້າໄວ້ອາໄລ

 ແລະກໍ່ໃນວັນທີ 26 ກັນຍາ ຄະນະຜູ້ແທນຂອງບັນດາອົງການ, ຄະນະ, ຂະແຫນງການ, ອົງການຈັດຕັ້ງສູນກາງ, ບັນດາທ້ອງຖິ່ນຢູ່ພາຍໃນປະເທດ ແລະ ເພື່ອນມິດສາກົນໄດ້ໄປໄວ້ອາໄລທ່ານປະທານປະເທດເຈີນດ້າຍກວາງ

ໃນວັນທີ 26 ກັນຍາ ແລະ 27 ກັນຍາ, ສະຖານທູດຫວຽດນາມ ຢູ່ບັນດາປະເທດໃນໂລກ ກໍ່ໄດ້ເປີດປື້ມໄວ້ອາໄລ, ຈັດຕັ້ງພິທີໄວ້ອາໄລທ່ານປະທານປະເທດເຈີນດ້າຍກວາງ

ທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ ຖະຫວາຍທູບທຽນອາໄລຫາ ທ່ານປະທານປະເທດ ຫວຽດນາມ ເຈິ່ນດ້າຍກວາງ ທີ່ສະຖານທູດ ຫວຽດນາມ ປະຈຳ ລາວ

ທ່ານນາຍົກລັດຖະມົນຕີ ລາວ ທອງລຸນ ສີສຸລິດ ແລະ ຄະນະຜູ້ແທນລັດຖະບານ ສປປ.ລາວ ເຂົ້າໄວ້ອາໄລທ່ານປະທານປະເທດ ຫວຽດນາມ ເຈິ່ນດ້າຍກວາງ

ສະຖານທູດ ຫວຽດນາມ ປະຈຳ ກຳປູເຈຍ ຈັດພິທີໄວ້ອາໄລທ່ານປະທານປະເທດ ເຈິ່ນດ້າຍກວາງ

ສະຖານທູດ ຫວຽດນາມ ປະຈຳ ຈີນ ຈັດພິທີໄວ້ອາໄລທ່ານປະທານປະເທດ ເຈິ່ນດ້າຍກວາງ

 ໃນຄະນະນັ້ນ ນັບແຕ່ວັນທີ 26 ກັນຍາ - 27 ກັນຍາ, ບັນດາອົງການ, ສຳນັກງານຕ່າງໆ ຢູ່ ຫວຽດນາມ ແລະ ບັນດາອົງການຜູ້ຕາງຫນ້າຂອງຫວຽດນາມ ຢູ່ ຕ່າງປະເທດ ລ້ວນແຕ່ ລຸດທຸງຊາດລົງເຄິ່ງເສົາ. ບັນດາຄະນະ, ກະຊວງ, ຂະແຫນງການ, ອົງການຈັດຕັ້ງສູນກາງ, ບັນດາອົງການລັດ ແລະ ຫົວຫນ່ວຍຕ່າງໆ ຢຸດຕິບັນດາລາຍການສິລະປະ, ການແຂ່ງຂັນກິລາ ແລະ ການລະຫລິ້ນ ບັນເທິງອື່ນ.

ທ່ານປະທານປະເທດເຈີນດ້າຍກວາງ ເກີດວັນທີ12 ຕຸລາ ປີ 1956, ໄດ້ເຖິງແກ່ມໍລະນະກຳໃນວັນທີ 21 ກັນຍາປີ 2018 ຍ້ອນການເຈັບເປັນອັນຫນັກຫນ່ວງຮ້າຍແຮງ. ໃນຊຸມມື້ຜ່ານມາ ປະຊາຊົນຫວຽດນາມ ແລະ ເພື່ອນມິດສາກົນຫລາຍໆຄົນໄດ້ສະແດງຄວາມເສົ້າສະຫລົດໃຈຕໍ່ການຈາກໄປຂອງທ່ານປະທານປະເທດເຈີນດ້າຍກວາງ.