ພາບລະດົມກຳລັງໃຈໂຄສະນາເຫດການ75 ປີແຫ່ງວັນທະຫານເສຍອົງຄະນັກຮົບເສຍສະຫຼະຊີວິດເພື່ອຊາດ
(VOVWORLD) -ກົມວັດທະນະທຳ ຮາກຖານ (ກະຊວງວັດທະນະທຳກິລາ ແລະ ທ່ອງທ່ຽວ) ຫາກໍ່ປະກາດຊຸດ ພາບປຸກລະດົມຮັບໃຊ້ວຽກງານໂຄສະນາເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນທະຫານເສຍອົງຄະນັກຮົບເສຍສະຫຼະຊີວິດເພື່ອຊາດ (ວັນທີ 27/7/1947 – 27/7/2022).
 ພາບຂອງຈິດຕະກອນເຈິ່ນແຄ໊ງຮ່ວຽນ (ແຂວງວິງຟຸກ) |
ທີ່ງານປະກວດ ຄະນະຈັດຕັ້ງໄດ້ຮັບເອົາພາບເກືອບ 500 ແຜ່ນຂອງຈິດຕະກອນຫຼາຍກ່ວາ 200 ຄົນໃນທົ່ວປະເທດທີໄດ້ຝາກມາຮ່ວມ. ບັນດາພາບແຕ້ມທີ່ເຂົ້າຮ່ວມການປະກວດ ໄດ້ຍ້ອງຍໍສັນລະເສີນບັນດາທະຫານເສຍອົງຄະ, ທະຫານເຈັບປ່ວຍ, ຄອບຄົວນັກຮົບເສຍສະຫຼະຊີວິດເພື່ອຊາດ, ຜູ້ທີ່ມີຄຸນງາມຄວາມດີຕໍ່ການປະຕິວັດ ໄດ້ຜ່ານຜ່າຄວາມຫຍຸ້ງຍາກບືນຕົວຂຶ້ນ, ຕັ້ງໜ້າເຂົ້າຮ່ວມບັນດາຂະບວນການແຂ່ງຂັນ ຮັກຊາດ ພັດທະນາທະວີຄຸນບັນດາຕົວແບບທີ່ກ້າວໜ້າໃນບັນດາຂະບວນການຕອບບຸນແທນຄຸນຊ່ວຍເຫຼືອບັນດາຄອບຄົວເປົ້າໝາຍນະໂຍບາຍ.
 ພາບຂອງຈິດຕະກອນຫງວຽນບ໊າຊຽວ (ແຂວງເງະອານ) |
ມີພາບແຕ້ມຫຼາຍແຜ່ນໄດ້ເນັ້ນໜັກເຖິງໝາກຜົນທີ່ພົ້ນເດັ່ນໃນການສ້າງ ແລະປະຕິບັດນະໂຍບາຍລະບອບບຸລິມະສິດຕໍ່ຜູ້ມີ ຄຸນງາມຄວາມດີ ກ່ຽວກັບໝາກຜົນການປະຕິບັດ ການເບິ່ງແຍງທະຫານເສຍອົງຄະ, ທະຫານເຈັບປ່ວຍ, ຄອບຄົວທະຫານເສຍສະຫຼະຊີວິດເພື່ອຊາດ ແລະ ການເບິ່ງແຍງດູແລແມ່ຫວຽດນາມ ວິລະຊົນ ກ່ຽວກັບວຽກງານຊອກຫາທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ...