ຮັບຊົມດອກໄມ້ສົ່ງສັນຍານລະດູບານໃໝ່ວຽນມາຢູ່ ເຂດພູສູງ ໄຕບັກ
ຫວູເລື້ຍ -
(VOVWORLD) - ເມື່ອດອກ ປັ່ງເຕີໄຢ່ (ດອກຄາຍປ່າ) ບານສະພັ່ງ ກໍ່ແມ່ນຈຸດເວລາບັນດາໝູ່ບ້ານເຂດພູສູງ ໄຕບັກ (ໝາຍເຖິງ ເຂດທາງທິດຕາເວັນຕົກສ່ຽງເໜືອຂອງ ຫວຽດນາມ) ເລີ່ມກ້າວເຂົ້າສູ່ລະດູບານໃໝ່. ຢູ່ຫຼາຍບ່ອນ, ປະຊາຊົນຖືວ່າດອກ ປັ່ງເຕີໄຢ່ ແມ່ນດອກໄມ້ສົ່ງສັນຍານ ລະດູບານໃໝ່ໄດ້ວຽນມາແລ້ວ.
 |
| ດອກ ປັ່ງເຕີໄຢ່ ໄດ້ຕິດພັນກັບລະດູບານໃໝ່ຢູ່ເຂດພູສູງ ໄຕບັກ, ພິເສດແມ່ນໃນຈິດສຳນຶກຂອງປະຊາຄົມຊາວເຜົ່າ ມົ້ງ ຢູ່ແຂວງ ດ້ຽນບຽນ ເວົ້າສະເພາະ, ຂອງເຂດ ໄຕບັກ ເວົ້າລວມ, ຍ້ອນເມື່ອດອກໄມ້ບານສະພັ່ງກໍ່ແມ່ນສັນຍານຂອງລະດູບານໃໝ່ໄດ້ວຽນມາແລ້ວ. |
 |
| ດອກ ປັ່ງເຕີໄຢ່ ມີ 5 ກີບສີບົວຄືດອກຄາຍຢູ່ເຂດທົ່ງພຽງ. |
 |
| ປັ່ງເຕີໄຢ່ ແມ່ນຕົ້ນໄມ້ທີ່ເກີດຢູ່ຕ່າມເນີນພູ. ດອກໄມ້ຈະເບັ່ງບານໃນຈຸດເວລາກ່ອນບຸນເຕັດປະມານ 2-3 ອາທິດ. |
 |
| ເມື່ອດອກ ປັ່ງເຕີໄຢ່ ບານສະພັ່ງນັ້ນ, ກໍ່ແມ່ນຈຸດເວລາທີ່ຜູ້ບ່າວ, ຜູ້ສາວຊາວເຜົ່າ ມົ້ງ ຊັກຊວນກັນໄປງານບຸນ, ໄປທ່ຽວ ຕ້ອນຮັບລະດູບານໃໝ່. |
 |
| ດອກໄມ້ຊະນິດນີ້ກໍ່ໄດ້ປະດັບປະດາຢູ່ນຳຊຸດອາພອນຂອງຜູ້ສາວຊາວເຜົ່າ ມົ້ງ. |
 |
| ຢູ່ແຂວງ ດ້ຽນບຽນ, ຕົ້ນ ປັ່ງເຕີໄຢ່ ມີຫຼາຍຢູ່ບັນດາເຂດ, ຄື: ໄຕຈາງ (ເມືອງ ດ້ຽນບຽນ), ຢູ່ບ້ານເຂດພູສູງຂຶ້ນກັບບັນດາຕາແສງ ຊາຢຸງ, ນາຊອນ, ຟູຢີ, ແກ້ວລົມ ແລະ ບັນດາຕາແສງທາງທິດເໜືອຂອງເຂດພູພຽງຫີນ ຕົວຈົ່ວ (ເມືອງ ຕົວຈົ່ວ). |
 |
| ຊາວເຜົ່າ ມົ້ງ ຢູ່ເຂດ ໄຕບັກ ນິຍົມດອກ ປັ່ງເຕີໄຢ່ ຫຼາຍ, ຍ້ອນດອກໄມ້ຊະນິດນີ້ຍັງແມ່ນສັນຍາລັກຂອງເຂດພູູຜາປ່າໄມ້ ໄຕບັກ, ມີລັກສະນະເປັນຈິດວິນຍານ, ວິຖີຊີວິດຂອງພໍ່ແມ່ປະຊາຊົນເຜົ່າ ມົ້ງ. ຊື່ຂອງດອກໄມ້ “ປັ່ງເຕີໄຢ່” ກໍ່ແມ່ນຊື່ໂດຍຊາວເຜົ່າ ມົ້ງ ຕັ້ງໃຫ້. |
ຫວູເລື້ຍ