ມອບລາງວັນໃຫ້ແກ່ຜົນງານໄດ້ຮັບລາງວັນທີໜຶ່ງ (ພາບ:vov.giaothong.vn)

ພິທີມອບລາງວັນງານມະຫາກຳຮູບເງົາທົ່ວປະເທດ ກ່ຽວກັບຄວາມປອດໄພໃນການຈະລາຈອນ ປີ 2021 ດ້ວຍຫົວຂໍ້ “ຍົກສູງປະສິດທິພາບ, ປະສິດທິຜົນການປະຕິບັດກົດໝາຍຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພໃນການຈະລາຈອນ” ໂດຍ ຫ້ອງການຄະນະກຳມະການຄວາມປອດໄພໃນການຈະລາຈອນສົມທົບກັບ ສະຖານີໂທລະພາບແຫ່ງຊາດ ຫວຽດນາມ ແລະ ບໍລິສັດ ລົດໂອໂຕ Toyota  ຫວຽດນາມ ຈັດຂຶ້ນໃນຕອນຄ່ຳວັນທີ 27 ກຸມພາ ຢູ່ ຮ່າໂນ້ຍ.

     ໃນຈຳນວນ 210 ຜົນງານທີ່ເຂົ້າຮ່ວມ, ຄະນະກຳມະການງານມະຫາກຳຮູບເງົາປີ 2021 ໄດ້ຄັດເລືອກ 22 ຜົນງານໄດ້ຮັບລາງວັນໃນຄັ້ງນີ້. ເນື່ອງໃນໂອກາດນີ້, ຄະນະກຳມະການຄວາມປອດໄພໃນການຈະລາຈອນແຫ່ງຊາດ ກໍປຸກລະດົມງານມະຫາກຳຮູບເງົາທົ່ວປະເທດ ກ່ຽວກັບຄວາມປອດໄພໃນການຈະລາຈອນ ປີ 2023 ຢ່າງເປັນທາງການ.