ກ່ຽວກັບການພັດທະນາ ແລະ ຜົນສຳເລັດຂອງການພົວພັນສອງປະເທດ ລະຫວ່າງ ຫວຽດນາມ ແລະ ກຣົດຊີ ໃນ 30ປີຜ່ານມາ, ທ່ານລັດຖະມົນຕີ Gordan Grlic Radman  ຕີລາຄາວ່າ ສອງປະເທດ ໄດ້ເພີ່ມທະວີການພົວພັນສອງຝ່າຍຫຼາຍພໍສົມຄວນ ເຊິ່ງໄດ້ສ້າງຂີດໝາຍດ້ວຍບັນດາການແລກປ່ຽນ ແລະ ຄຳໝັ້ນສັນຍາຂັ້ນສູງກ່ຽວກັບເສດຖະກິດ, ວັດທະນະທຳ ແລະ ການທູດ. ກ່ຽວກັບບຸລິມະສິດຂອງ ກຣົວຊີ ໃນການພົວພັນກັບ ຫວຽດນາມ ໃນປີ 2024 ແລະ ຊຸມປີຕໍ່ໄປ, ທ່ານລັດຖະມົນຕີກຣົວຊີ Gordan Grlic Radman  ໃຫ້ຮູ້ວ່າ ກຣົວຊີ ໄດ້ວາງເປົ້າໝາຍເພີ່ມທະວີ ແລະ ຫັນການພົວພັນກັບ ຫວຽດນາມ ເປັນຫຼາຍຮູບຫຼາຍແບບໃນຂົງເຂດຫຼັກແຫຼ່ງຈຳນວນໜຶ່ງ. ຈຸດສຸມຂອງ ກຣົວຊີ ແມ່ນເພີ່ມທະວີການຮ່ວມມືດ້ານເສດຖະກິດດ້ວຍວິທີການນຳໃຊ້ທີ່ຕັ້ງຍຸດທະສາດຂອງ ກຣົດຊີ ເພື່ອຊຸກຍູ້ການຄ້າ ແລະ ການລົງທຶນລະຫວ່າງ ຫວຽດນາມ ແລະ ເອີຣົບ. ກຣົວຊີ ກໍ່ປາດຖະໜາຢາກເປີດກວ້າງການແລກປ່ຽນວັດທະນະທຳ, ວິທະຍາສາດ ແລະ ການສຶກສາ ເພື່ອຊຸກຍູ້ຄວາມເຂົ້າໃຈເຊິ່ງກັນແລະກັນ ແລະ ນ້ຳໃຈມິດຕະພາບລະຫວ່າງສອງຊາດ.