3ແຂວງນະຄອນຢູ່ພາກກາງປະກາດຊຸດກຳນົດເຄື່ອງໝາຍທ່ອງທ່ຽວລວມ
(ພາບ: HL)(vovworld) - ຕອນບ່າຍວັນທີ 7/4, ຢູ່ ຮ່າໂນ້ຍ, ແຂວງ ເທື່ອທຽນເຫວ໋, ນະຄອນ ດ່ານັ້ງ, ແຂວງ ກວາງນາມ ໄດ້້ປະກາດ ຊຸດກຳນົດເຄື່ອງໝາຍທ່ອງທ່ຽວ 3 ທ້ອງຖີ່ນ. ຊຸດກຳນົດເຄື່ອງໝາຍທ່ອງທ່ຽວ ດັ່ງກ່າວມີຊື່ວ່າ “ຈຸດຍອດຍິ່ງ ຫວຽດນາມ“, ເຊິ່ງສະແດງອອກດ້ວຍສັນຍາລັກ “ຫົວໃຈເປີດ“, ເຊິ່ງປະກອບດ້ວຍສີສົ້ມ, ສີຂຽວ, ສີຂຽວທະເລ ແລະ ສີແດງ, ສະແດງໃຫ້ເຫັນບັນດາຜະລິດຕະພັນຕົ້ນຕໍຂອງສາມທ້ອງຖີ່ນນີ້ແມ່ນ : ວັດທະນະທຳ, ທະເລເກາະ, ແລະ ທຳມະຊາດ. ທີ່ພິທີ, ສາມທ້ອງຖີ່ນກໍ່ໄດ້ແນະນຳເຖິງມະຫາຊົນຜະລິດຕະພັນລວມນັ້ນແມ່ນ “ເສັ້ນທາງແຫ່ງມໍລະດົກ“ ແລະ “ເສັ້ນທາງແຫ່ງທຳມະຊາດ“. “ເສັ້ນທາງແຫ່ງມໍລະດົກ“ ຈະພານັກທ່ອງທ່ຽວເຖິງບັນດາພະລາດຊະວັງ, ວິຫານ, ສຸສານສະໄໝລາຊະວົງ ຫງວຽນ (ກຸງເກົ່າ ເຫວ໋); ປະຕູການຄ້າ ອາຊີຕາເວັນອອກສ່ຽງໃຕ້ - ຄຸ້ມເມືອງເກົ່າ ໂຫ້ຍອານ, ມໍລະດົກໂລກ ປູຊະນີຍະສະຖານເຂດວິຫານທາດຈຳ (ມີ້ເຊີນ)….ສ່ວນ“ເສັ້ນທາງແຫ່ງທຳມະຊາດ“ ຈະພາແຂກທ່ອງທ່ຽວໄປຍັງເຂດທຳມະຊາດຊີວະນາໆພັນເຊັ່ນ: ປ່າສະຫງວນ ແບກມ້າ, ພູບ່ານ່າ, ແຫຼມເຊີນຈ່າ, ກູ່ລາວຈ່າມ.