ບັນດາໝູ່ຄະນະໄດ້ຮັບໃບຍ້ອງຍໍໃນຄັ້ງນີ້
|
(vovworld) – 78 ຫົວເລື່ອງ, ເຕັກນິກດີເດັ່ນທີ່ສຸດໄດ້ຮັບການເຊີດຊູ ແລະ ມອບລາງວັນທີ່ພິທີສະຫລຸບ, ຍ້ອງຍໍຊົມເຊີຍ ແລະ ມອບລາງວັນໃນການປະກວດ ເຕັກນິກທີ່ມີຫົວຄິດປະດິດສ້າງຂອງຂະແໜງສາທາລະນະສຸກ ຮ່າໂນ້ຍ ຄັ້ງທີ 26 ໂດຍຄະນະຊາວໜຸ່ມ ຮ່າໂນ້ຍ, ສະຖາບັນເລືອດສາດ ແລະ ສົ່ງເລືອດສູນກາງ ສົມທົບກັນຈັດຕັ້ງ ດຳເນີນໄປໃນຕອນຄ່ຳວັນທີ 22/3, ຢູ່ຮ່າໂນ້ຍ. ນີ້ແມ່ນການເຄື່ອນໄຫວແທດຈິງເພື່ອມຸ່ງໄປເຖິງການສະເຫຼີມສະຫຼອງ 84 ປີແຫ່ງວັນສ້າງຕັ້ງຄະນະຊາວໜຸ່ມກອມມູນິດ ໂຮ່ຈີມິນ (26/3/1931 – 26/3/2015). ງານປະກວດດ້ານເຕັກນິກມີຫົວຄິດປະດິດສ້າງໄວໜຸ່ມຂະແໜງສາທາລະນະສຸກ ຮ່າໂນ້ຍ ຄັ້ງທີ 26 ດຶງດູດການເຂົ້າຮ່ວມຂອງທ່ານໝໍໜຸ່ມ 1000 ຄົນ ດ້ວຍ 170 ຫົວເລື່ອງ, ເຕັກນິກທີ່ມາຈາກ 48 ຮາກຖານການແພດກອງທັບ, ປະຊາຊົນໃນບໍລິເວນເຂດ. ຜ່ານການປະກວດຂັ້ນຮາກຖານຫຼາຍຮອບ ແລະ ປະຕິບັດສຳເລັດບັນດາເນື້ອໃນທີ່ງານປະກວດຂັ້ນນະຄອນ, 6 ໝູ່ຄະນະ ແລະ 78 ກຸ່ມເຕັກນີກຍາດໄດ້ລາງວັນທີ 1, ທີ 2 ແລະ ທີ 3 ຂອງກະຊວງສາທາລະນະສຸກ.