ກອງປະຊຸມທາງອອນລາຍຂຶ້ນດ້ວຍຫົວຂໍ້ວ່າ “ຄູ່ຮ່ວມມືລັດຖະສະພາກ່ຽວກັບການຮ່ວມມືການສຶກສາ, ວັດທະນະທຳ ເພື່ອການພັດທະນາແບບຍືນຍົງ” (ພາບ: TTXVN)

        ກ່າວຄຳເຫັນໄຂກອງປະຊຸມ, ທ່ານຮອງປະທານສະພາແຫ່ງຊາດ ຫວຽດນາມ ຟູ່ງກວ໊ກຫ໋ຽນ ຊີ້ແຈ້ງວ່າ: ດ້ວຍບົດບາດເປັນນັກສ້າງກົດໝາຍ, ກອງປະຊຸມຄວນມີການກະທຳ ເພື່ອປະຕິບັດຄວາມຮັບຜິດຊອບ ແລະ ຄຳໝັ້ນສັນຍາຕໍ່ການປະຕິບັດບັນດາເປົ້າໝາຍພັດທະນາແບບຍືນຍົງ ເຊິ່ງໄດ້ຮັບການຢັ້ງຢືນໃນຖະແຫຼງການຮ່າໂນ້ຍ ທີ່ກອງປະຊຸມສະມັດຊາໃຫຍ່ IPU-132 ດ້ວຍຫົວຂໍ້ “ບັນດາເປົ້າໝາຍພັດທະນາແບບຍືນຍົງ: ຫັນຄຳເວົ້າເປັນການກະທຳ” ເມື່ອເດືອນ ເມສາ 2015. ກອງປະຊຸມຄັ້ງນີ້ ຈະສຸມໃສ່ຫົວເລື່ອງການຮ່ວມມືດ້ານການສຶກສາ ແລະ ວັດທະນະທຳ, ແມ່ນບັນດາບັນຫາໃຫຍ່ ທີ່ມີຄວາມໝາຍໃນການສ້າງປະຊາຄົມວັດທະນະທຳ - ສັງຄົມ ອາຊຽນ.

        ທີ່ກອງປະຊຸມ, ຜູ້ຕາງໜ້າຄະນະຜູ້ແທນ ຫວຽດນາມ ໄດ້ສະເໜີໃຫ້ເຫັນຄວາມຈຳເປັນ ຕ້ອງຈັດຕັ້ງກອງປະຊຸມປະຈຳປີຂອງ AIPA ໃນການປະຕິບັດບັນດາເປົ້າໝາຍພັດທະນາແບບຍືນຍົງຂອງສະຫະປະຊາຊາດໃຫ້ປະກົດຜົນເປັນຈິງ ແລະ ໃນການຮ່ວມມືດ້ານການສຶກສາ, ວັດທະນະທຳ ເພື່ອການພັດທະນາແບບຍືນຍົງ; ຊຸກຍູ້ການຮ່ວມມືລະຫວ່າງບັນດາລັດຖະສະພາສະມາຊິກ AIPA…ຄະນະຜູ້ແທນ ຫວຽດນາມ ກໍ່ສະເໜີສ້າງກົນໄກຕິດຕາມກວດກາຂອງ AIPA ໃຫ້ສຳເລັດ ເພື່ອຊຸກຍູ້ ອາຊຽນ ປະຕິບັດຄຳໝັ້ນສັນຍາພາກພື້ນກ່ຽວກັບການສຶກສາ, ວັດທະນະທຳ ພ້ອມທັງສະເໜີສ້າງແຜ່ນທີ່ມໍລະດົກວັດທະນະທຳ ເພື່ອອະນຸລັກຮັກສາສະຖານທີ່ ແລະ ວັດທະນະທຳຊົນຊາດຕົນໃຫ້ຢູ່ສະພາບເດີມ; ສ້າງເສັ້ນທາງເດີນມໍລະດົກວັດທະນະທຳ ແນໃສ່ເຊື່ອມຕໍ່ການແລກປ່ຽນບັນດາພື້ນຖານວັດທະນະທຳ ອາຊຽນ.