ຝູງກ່ຳປັ່ນຮົບຂອງທະຫານເຮືອ ອາເມລິກາ (ພາບ: US NAVY)

        ວັນທີ 15 ມັງກອນ, ກຳລັງ Al Houthi ຢູ່ ເຢແມນ ໄດ້ດຳເນີນການບຸກໂຈມຕີດ້ວຍລູກສອນໄພແນໃສ່ກຳປັ່ນຂອງ ອາເມລິກາ ໃກ້ກັບທ່າກຳປັ່ນ Aden. ການບຸກໂຈມຕີເພື່ອແນໃສ່ໂຕ້ຕອບເລື່ອງທະຫານປະສົມ ອາເມລິກາ - ອັງກິດ ໄດ້ບຸກໂຈມຕີທາງອາກາດໃສ່ເຂດດິນແດນ ເຢແມນ ໃນວັນທີ 11 – 12 ມັງກອນ ທີ່ຜ່ານມາ. ກ່ອນນັ້ນ 2-3 ຊົ່ວໂມງ, ສູນກອງບັນຊາການຂອງ ອາເມລິກາ ຢູ່ເຂດຕາເວັນອອກກາງ ກໍ່ຢັ້ງຢືນວ່າ ມີກຳປັ່ນຂົນສົ່ງສິນຄ້າທີ່ໃສ່ທຸງຊາດໝູ່ເກາະ Sharshall ຖືກບຸກໂຈມຕີດ້ວຍລູກສອນໄຟຕ້ານກຳປັ່ນຢູ່ທາງທິດໃຕ້ທະເລແດງ. ເຫດບຸກໂຈມຕີເຮັດໃຫ້ກຳປັ່ນຖືກເປ່ເພ, ແຕ່ບໍ່ມີຜູ້ເສຍຊີວິດ ແລະ ບໍ່ສົ່ງຜົນສະທ້ອນເຖິງແຜນການເດີນທາງຂອງກຳປັ່ນ.

   ໃນຂະນະນັ້ນ, ກອງທັບ ອິດສະຣາແອັນ ສືບຕໍ່ເປີດບັນດາການບຸກໂຈມຕີດ້ວຍທະຫານເຮືອ, ກອງທັບອາກາດ, ກຳລັງປືນໃຫຍ່ ແລະ ທະຫານບົກໃສ່ຫຼາຍເປົ້າໝາຍທີ່ແຕກຕ່າງກັນຢູ່ທົ່ວເຂດ ກາຊາ. ແຈ້ງການໃນຕອນຄ່ຳວັນທີ 15 ມັງກອນ ຂອງອົງການສາທາລະນະສຸກ ປາແລັດສະຕິນ ໃຫ້ຮູ້ວ່າ, ບັນດາເຫດບຸກໂຈມຕີຂອງກອງທັບ ອິດສະຣາແອັນ ເຂົ້າໃສ່ເຂດ ກາຊາ ໄດ້ເຮັດໃຫ້ຢ່າງໜ້ອຍສຸດມີຜູ້ເສຍຊີວິດ 150 ຄົນ ແລະ ຜູ້ຮັບບາດເຈັບ 300 ຄົນ, ສ່ວນຫຼາຍແມ່ນສາມັນຊົນ.