ທ່ານ​ນາງ Dlamini zuma ເລ​ຂາ​ທິ​ການ​ໃຫຍ່ສະ​ຫະ​ພາບ​ອາ​ຟະ​ລິ​ກາ AU (ນັ່ງ​ເບື່ອງ​ຊ້າຍ)

(vovworld)- ວັນ​ທີ 1/11, ສະ​ຫະ​ພາບ​ອາ​ຟະ​ລິ​ກາ AU ໄດ້​ຮຽກ​ຮ້ອງ​ດຳ​ເນີນ​ການມອບ​ໂອນ​ດ້​ວຍ​ຄວາມ​ເຫັນ​ດີ​ເຫັນ​ພ້ອມ ແລະ ປະ​ຊາ​ທິ​ປະ​ໄຕ ຢູ່ ບູ​ກີ​ນາ ຟາ​ໂຊ ພາຍຫຼັງ​ການ​ລຸກ​ຮື້​ຂຶ້ນ​ໂຄ່ນ​ລົ້ມ​ປະ​ທາ​ນາ​ທິ​ບໍ​ດີ Blaise Compaore . ໃນ​ຖະ​ແຫຼງ​ການ​ສະ​ບັບ​ໜຶ່ງ, ເລ​ຂາ​ທິ​ການ​ໃຫຍ່ ສະ​ຫະ​ພາບ​ອາ​ຟະ​ລິ​ກາ AU ທ່ານ​ນາງ Dlamini zuma ໃຫ້​ຮູ້​ວ່າ ການມອບ​ໂອນ​ຄື​ດັ່ງ​ກ່າວ​ຈະ​ບໍ່​ພຽງ​ແຕ່​ສອດ​ຄ່ອງ​ກັບ​ຄວາມ​ມຸ່ງ​ຫວັງ​ອັນ​ຊອບ​ທຳ​ຂອງ​ຊາວ ບູ​ກີ​ນາ ຟາ​ໂຊ ເທົ່າ​ນັ້ນ ຫາກ​ຍັງ​ສ້າງ​ເງື່ອນ​ໄຂ​ສະ​ດວກ​ໃຫ້​ແກ່​ການ​ປຸກ​ລະ​ດົມ​ການ​ສະ​ໜັບ​ສະ​ໜູນ​ໂດຍ​ຈຳ​ເປັນ​ເພື່ອ​ນຳ​ປະ​ເທດ​ຊາດຫຼຸດ​ພົ້ນ​ອອກ​ຈາກວິ​ກິດ​ການ. ທ່ານ​ນາງ Dlamini zuma ເລ​ຂາ​ທິ​ການ​ໃຫຍ່ສະ​ຫະ​ພາບ​ອາ​ຟະ​ລິ​ກາ AU ຍັງ​ຮຽກ​ຮ້ອງ​ໃຫ້​ໄວ​ໜຸ່ມ ບູ​ກີ​ນາ ຟາ​ໂຊ ຈົ່ງ​ທຸ່ມ​ທ່ຽງ​ໃຈ, ພ້ອມ​ທັງ​ກະ​ຕຸກ​ຊຸກ​ຍູ້​ວົງການ​ການ​ນຳດ້ານ​ການ​ປ້ອງ​ກັນ​ຊາດ, ກຳ​ລັງ​ປ້ອງ​ກັນ​ຄວາມ​ສະ​ຫງົບ ຈົ່ງຫຼີກ​ລ້ຽງ​ການ​ກະ​ທຳຫຼື​ມີ​ຄຳ​ຖະ​ແຫຼງ​ທີ່​ອາດ​ຈະ​ກໍ່​ເກີດ​ສະ​ພາບ​ຂ​າດ​ສະ​ຖຽນ​ລະ​ພາບ​ຕື່ມ​ອີກ .