ທ່ານຮອງລັດຖະມົນຕີ ເລກົງແທ່ງ ໃຫ້ຂໍ້ສັງເກດວ່າ, ເມື່ອສັນຍາປາຣີ ກ່ຽວກັບການຕ້ານການປ່ຽນແປງຂອງດິນຟ້າອາກາດໄດ້ຮັບການຮັບຮອງເອົາກ່ອນນີ້ 3 ປີ, ປະຊາຄົມສາກົນໄດ້ມານະພະຍາຍາມຈົນສຸດຄວາມສາມາດ ເພື່ອປະຕິບັດຂໍ້ຕົກລົງດັ່ງກ່າວ, ນັບແຕ່ລວມທັງການສ້າງໂຄງການດຳເນີນງານໃນການປະຕິບັດສັນຍາປາຣີ (PAWP). ໃນສະພາບທີ່ບັນດາປະເທດພວມຮີບເຮັ່ງຜັນຂະຫຍາຍ, ຫວຽດນາມ ຮຽກຮ້ອງໃຫ້ມີຈິດໃຈຮ່ວມມື, ພ້ອມກັນປຶກສາຫາລືເພື່ອຜົນປະໂຫຍດກົມກ່ຽວແຫ່ງຊາດກັບຄວາມສົນໃຈຈາກສາກົນ.

        ທ່ານຮອງລັດຖະມົນຕີ ເລກົງແທ່ງ ໄດ້ຢືນຢັນອີກຄັ້ງໜຶ່ງວ່າ, ເຊິ່ງແມ່ນປະເທດໄດ້ ແລະ ພວມຕັ້ງໜ້າເຂົ້າຮ່ວມ, ປະຕິບັດບັນດາຄຳໝັ້ນສັນຍາສາກົນກ່ຽວກັບການປ່ຽນແປງຂອງດິນຟ້າອາກາດ. ການຮັບມືກັບການປ່ຽນແປງຂອງດິນຟ້າອາກາດ, ການປະຕິບັດການປະກອບສ່ວນແຫ່ງຊາດຕັດສິນດ້ວຍຕົນເອງ (NDC) ໄດ້ກາຍເປັນການເຄື່ອນໄຫວປະຈຳ, ຕໍ່ເນື່ອງຂອງຊາດ ແລະ ໄດ້ຊັບຊ້ອນເຂົ້າໃນບັນດາການເຄື່ອນໄຫວພັດທະນາເສດຖະກິດ, ສັງຄົມຂອງທຸກຂັ້ນ, ທຸກຂະແໜງການ, ວິສາຫະກິດ, ປະຊາຄົມ ແລະ ຂອງຊາວຫວຽດນາມ ແຕ່ລະຄົນ.