EC ສະເໜີຫຼາຍມາດຕະການໃໝ່ຕ້ານໂລກລະບາດໂຄວິດ - 19
(VOVWORLD) -ວັນທີ 28 ຕຸລາ, ຄະນະກຳມະການເອີຣົບ (EC) ໄດ້ສະເໜີຫຼາຍມາດຕະການໃໝ່ໃນຄວາມມານະພະຍາຍາມຮັບມືກັບໂລກລະບາດໂຄວິດ - 19 ຢູ່ສະຫະພາບເອີຣົບ (ອີຢູ) ແລະ ເນັ້ນໜັກເຖິງເລື່ອງ ຜູ້ຕິດເຊື້ອໂຄວິດ - 19 ພວມເພີ່ມຂຶ້ນຢ່າງແຮງ ຢູ່ ທະວີບນີ້ ໃນໄລຍະມໍ່ໆມານີ້ ແມ່ນບັນຫາ “ເປັນໜ້າເຕືອນໄພ”.
 ພະນັກງານກໍ່ສ້າງໂຮງໝໍກາງສະໜາມ (ພາບ: TTXVN) |
ໃນສະພາບການອີກຄັ້ງໜຶ່ງ, ເອີຣົບ ກາຍເປັນຈຸດໃຈກາງຂອງໂລກລະບາດໂຄວິດ - 19 ຂອງ ໂລກ, EC ຖືວ່າ ລັດຖະບານບັນດາປະເທດສະມາຊິກ ອີຢູ ຕ້ອງມີການສົມທົບກັນຜັນຂະຫຍາຍບັນດາຍຸດທະສາດກວດຫາເຊື້ອໄວຣັດ, ກໍຄືໝູນໃຊ້ບັນດາຊຸດ KIT ກວດຫາເຊື້ອໄວ ເພື່ອຊອກຫາພູມຕ້ານທານ ແລະ ຕ້ອງມີມາດຕະການແກ້ໄຂສະພາບການຂາດແຄນກຳລັງຄວາມສາມາດໃນການກວດຫາເຊື້ອ.
ເພື່ອແນໃສ່ຫຼີກລ້ຽງຄວາມສ່ຽງການຂາດແຄນອຸປະກອນການແພດ ເກີດຂຶ້ນໃໝ່ອີກຄັ້ງ, EC ໄດ້ປຸກລະດົມລາຍການຮ່ວມກັນຊບັນດາອຸປະກອນທີ່ຈຳເປັນແກ່ການສັກຢາວັກຊິນ. ພ້ອມກັນນັ້ນ, ອີຢູ ກໍຮຽກຮ້ອງໃຫ້ບັນດາປະເທດສະມາຊິກ ຜັນຂະຫຍາຍບັນດາຍຸດທະສາດສັກຢາວັກຊິນໂດຍໄວ ເພື່ອແນໃສ່ຮັບປະກັນໃຫ້ບຸກຄົນທີ່ມີຄວາມສ່ຽງຫຼາຍກວ່າໝູ່ໄດ້ສັກຢາວັກຊິນກັນໂຄວິດ - 19 ຖ້າຫາກວ່າຈະມີວັກຊິນໃນອະນາຄົດ.