EU ຊ່ວຍເຫຼືອປະຊາຊົນຖືກຜົນສະທ້ອນໂດຍໄພແຫ້ງແລ້ງ ແລະ ນ້ຳທະເລຊຶມ ຢູ່ ຫວຽດນາມ
(VOVWORLD) - ເພື່ອຮັບມືກັບສະພາບການ ໄພແຫ້ງແລ້ງ ແລະ ນ້ຳທະເລຊຶມທີ່ພວມເກີດຂຶ້ນຢູ່ ຫວຽດນາມ, ເຊິ່ງໄດ້ກະທົບເຖິງບັນດາເຂດທົ່ງພຽງແມ່ນ້ຳຂອງທາງພາກໃຕ້ ຢູ່ ຫວຽດນາມ, ວັນທີ 3 ມີນາ, ສະຫະພາບ ເອີລົບ ໄດ້ສະໜອງເງິນ 60.000 EUR (ປະມານ 1,5 ຕື້ດົ່ງ) ເພື່ອຫນູນຊ່ວຍມະນຸດສະທຳໜູນຊ່ວຍໃຫ້ແກ່ ປະຊາຊົນ 24.000 ຄົນທີ່ພວມໄດ້ຮັບຜົນສະທ້ອນຢ່າງໜັກໜ່ວງທີ່ສຸດໃນຂົງເຂດ.
 ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ຖືກຜົນກະທົບຢ່າງໜັກໜ່ວງຈາກໄພແຫ້ງແລ້ງ ແລະ ນ້ຳທະເລຊຶມ (ພາບ: CPV) |
ແຫຼ່ງເງິນໜູນຊ່ວຍນີ້ແມ່ນສ່ວນໜຶ່ງໃນການປະກອບສ່ວນລວມຂອງ ສະຫະພາບເອີລົບໃຫ້ແກ່ກອງທຶນກູ້ຊ່ວຍດ້ານໄພທຳມະຊາດແບບສຸກເສີນ (DREF)ຂຶ້ນກັບອົງການກາແດງ ແລະ ຊີກວົງເດືອນແດງສາກົນ (IFRC). ຜ່ານສະພາກາແດງ ຫວຽດນາມ (VNRC), ຈຳນວນເງິນດັ່ງກ່າວຈະນຳມາເຊິ່ງບັນດາການໜູນຊ່ວຍທີ່ຈຳເປັນ. ບັນດາບັ້ນປ້ອງກັນ, ສະກັດກັ້ນໂລກລະບາດກໍ່ຈະໄດ້ຮັບການດຳເນີນເພື່ອແນໃສ່ຫຼຸດຜ່ອນຄວາມສ່ຽງຂອງພະຍາດທີ່ກ່ຽວຂ້ອງເຖິງແຫຼ່ງນ້ຳ.