EU ຊອກຫາວິທີຮັກສາລາຄາ ແລະ ແຫຼ່ງສະໜອງທັນຍາຫານເປັນປົກກະຕິ
(VOVWORLD) -ສະຫະພາບເອີລົບ (EU) ຄາດວ່າ ຈະຈັດແບ່ງງົບປະມານ 500 ລ້ານ ເອີໂຣ (550 ລ້ານ USD) ເພື່ອໜູນຊ່ວຍຊາວກະສິກອນ ແລະ ອະນຸຍາດໃຫ້ເຂົາເຈົ້າປູກຝັງຢູ່ດິນເປົ່າວ່າງ ເພື່ອຄວບຄຸມທ່າເພີ່ມຂຶ້ນຢ່າງແຮງຂອງລາຄາທັນຍາຫານ ກໍ່ຄືຄວາມສາມາດໃນການຂາດດຸນແຫຼ່ງສະໜອງຍ້ອນການປະທະກັນໃນປັດຈຸບັນຢູ່ ຢູແກຼນ.
 (ພາບປະກອບ: Shutterstock) |
ຕາມຂໍ້ສະເໜີທີ່ໄດ້ປະກາດໃນວັນທີ 23 ມີນາຂອງຄະນະກຳມະການເອີລົບ (EC) ແລ້ວ, ເປົ້າໝາຍໄດ້ຮັບການໜູນຊ່ວຍ ແມ່ນຜູ້ທີ່ໄດ້ຮັບຜົນສະທ້ອນຢ່າງໜັກໜ່ວງທີ່ສຸດຈາກວິກິດການຢູແກຼນ, ພິເສດແມ່ນຜູ້ເຂົ້າຮ່ວມການເຄື່ອນໄຫວຜະລິດທີ່ເປັນມິດກັບສິ່ງແວດລ້ອມ.
EU ຄາດວ່າ ຈະອະນຸຍາດໃຫ້ປະຊາຊົນປູກຝັງຊົ່ວຄາວ ໃນເນື້ອທີ່ດິນກະສິກຳ 60 % ເຊິ່ງໄດ້ສະຫງວນໄວ້ເພື່ອຊຸກຍູ້ຊີວະນາໆພັນ. ນອກຈາກນັ້ນແລ້ວ, EU ກໍ່ຈະໜູນຊ່ວຍບັນດາປະເທດສະມາຊິກ ຕາມຄວາມສາມາດ ເພື່ອຫຼຸດຜ່ອນການນຳໃຊ້ເຊື້ອເພີງຊີວະສາດໃນຂົງເຂດຄົມມະນາຄົມ, ຜ່ານນັ້ນ ຫຼຸດຜ່ອນຄວາມກົດດັນຕໍ່ແຫຼ່ງສະໜອງທັນຍາຫານ ແລະ ຫົວອາຫານສັດ.