ຢູ່ ບຣຸກແຊນ, ທ່ານນາຍົກລັດຖະມົນຕີ Starmer ໄດ້ມີການພົບປະສອງຝ່າຍຢ່າງເປັນທາງການຄັ້ງທຳອິດ ກັບທ່ານ ປະທານ EC ນາງ von der Leyen ນັບແຕ່ເມື່ອຮັບດຳລົງຕຳແໜ່ງ, ພ້ອມທັງພົບປະກັບທ່ານປະທານສະພາ ເອີຣົບ Charles Michel ແລະ ທ່ານປະທານລັດຖະສະພາເອີຣົບ Roberta Metsola. ນີ້ແມ່ນການກະທຳທີ່ມີລັກສະນະສັນຍາລັກສຳຄັນ ເພື່ອແນໃສ່ປັບປຸງການພົວພັນລະຫວ່າງສອງຝ່າຍ, ພາຍຫຼັງ 8 ປີ ທີ່ ອັງກິດ ຕົກລົງຖອນຕົວອອກຈາກ EU (Brexit). ກ່າວຄຳເຫັນຕໍ່ການພົບປະ, ທ່ານນາງ von der Leyen ໄດ້ເນັ້ນໜັກເຖິງຄວາມເຫັນດີກ່ອນເຫັນພ້ອມໃນບັນດາບັນຫາທົ່ວໂລກ, ສ້າງພື້ນຖານອັນໝັ້ນແກ່ນໃຫ້ແກ່ການພົວພັນສອງຝ່າຍ. ທ່ານນາງ ກໍຮຽກຮ້ອງໃຫ້ປະຕິບັດຂໍ້ຕົກລົງ Brexit, ຂອບເຂດ Windsor ແລະ ຂໍ້ຕົກລົງການຄ້າ ແລະ ການຮ່ວມມື (TCA) ຢ່າງເຂັ້ມງວດ, ພ້ອມທັງຢັ້ງຢືນວ່າ EU ປາດຖະໜາໃຫ້ ລາຊະອາຈາຈັກອັງກິດ ປະຕິບັດບັນດາພັນທະ Brexit ຢ່າງຄົບຖ້ວນ ກ່ອນທີ່ຈະພິຈາລະນາປົວແປງບັນດາເຄື່ອນໄຫວດ້ານເສດຖະກິດ.