EU ແລະ ອັງກິດກ້າວເຂົ້າສູ່ ຮອບເຈລະຈາທາງການຄ້າ ໃໝ່ພາຍຫຼັງ Brexit
(VOVWORLD) -ວັນທີ 11 ພຶດສະພາ, ສະຫະພາບ ເອີລົບ (EU) ແລະ ອັງກິດ ກ້າວເຂົ້າສູ່ຮອບເຈລະຈາການຄ້າຄັ້ງທີ 3 ແຕ່ບໍ່ມີຄວາມຫວັງຫຼາຍກ່ຽວກັບການບັນລຸໄດ້ບາດກ້າວບຸກທະລຸໃໝ່, ໃນສະພາບການ ໄລຍະເວລາເຈລະຈາກ່ຽວກັບຂໍ້ຕົກລົງທາງການຄ້າລະຫວ່າງສອງຝ່າຍພາຍຫຼັງ Brexit ບໍ່ຮອດ 1 ປີ ພັດຍິ່ງຮັດແຄບເຂົ້າຍ້ອນຜົນກະທົບຂອງໂລກລະບາດ Covid – 19.
|
 ທ່ານ Michel Barnier ຫົວໜ້າຄະນະເຈລະຈາ EU ແລະ ທ່ານ David Frost ຄູ່ຕຳແໜ່ງຝ່າຍອັງກິດ
(ພາບ: TTXVN)
|
ຮອບເຈລະຈາໃໝ່ຈະເລີ່ມຕົ້ນດ້ວຍການເຈລະຈາທາງອອນລາຍລະຫວ່າງທ່ານ Michel Barnier ຫົວໜ້າຄະນະເຈລະຈາ EU ແລະ ທ່ານ David Frost ຄູ່ຕຳແໜ່ງຝ່າຍອັງກິດ, ຖັດຈາກນັ້ນແມ່ນການເຈລະຈາທາງອອນລາຍໂດຍມີການເຂົ້າຮ່ວມຂອງເຈົ້າໜ້າທີ່ນັບຮ້ອຍທ່ານ ຊຶ່ງຄາດວ່າຈະໄດ້ແກ່ຍາວໝົດອາທິດນີ້.
ວັນທີ 20 ເມສາ, ອັງກິດ ແລະ EU ໄດ້ດຳເນີນການເຈລະຈາຄັ້ງທີ 2 ຕາມຮູບການອອນລາຍ, ຊັກຊ້າໄປກ່ວາ 1ເດືອນເມື່ອທຽບໃສ່ກັບແຜນການຍ້ອນຜົນກະທົບຂອງ ໂລກລະບາດ Covid – 19.