ເວທີປາໄສການຄ້າລະຫວ່າງ ຫວຽດນາມ - EU ປີ 2019

ເວທີປາໄສໄດ້ສຸມໃສ່ປຶກສາຫາລືບັນດາກາລະໂອກາດ ແລະ ສິ່ງທ້າທາຍເຊິ່ງວິສາຫະກິດຄວນຮູ້ກ່ຽວຂ້ອງເຖິງສັນຍາການຄ້າເສລີ ລະຫວ່າງ ຫວຽດນາມ ແລະ EU (EVFTA) ເຊິ່ງຫາກໍ່ໄດ້ລົງນາມໃນເດືອນ ມິຖຸນາ 2019. ທີ່ເວທີປາໄສ, ບັນດາຜູ້ແທນໄດ້ຖືວ່າ EVFTA ຈະສ້າງ ກາລະໂອກາດຫຼາຍຢ່າງໃຫ້ແກ່ບັນດາວິສາຫະກິດ, ພິເສດແມ່ນວິສາຫະກິດຂະໜາດກາງ ແລະ ນ້ອຍ, ເມື່ອຍົກເລີກບັນດາຮົ້ວກີດຂວາງກ່ຽວກັບພາສີອາກອນເພື່ອໃຫ້ວິສາຫະກິດເຂົ້າສຳຜັດກັບຕະຫຼາດເອີຣົບ. ພ້ອມກັນນັ້ນ, EVFTA ກໍ່ຍົກອອກບັນດາຄວາມຮຽກຮ້ອງ, ມາດຕະຖານຢ່າງລະອຽດກ່ຽວກັບສິນຄ້າເພື່ອໃຫ້ວິສາຫະກິດຂະໜາດກາງ ແລະ ນ້ອຍອີງໃສ່ປະຕິບັດຕາມ. ເພື່ອໃຫ້ບັນດາວິສາຫະກິດອາດສາມາດນຳໃຊ້ບັນດາກາລາໂອກາດເຊິ່ງ EVFTA ນຳມາໃຫ້ເປັນຢ່າງດີທີ່ສຸດ. ທ່ານນາງ ຫງຽວນເຊີນຈາ, ຮອງຫົວໜ້າຫ້ອງການ WTO ແລະ ເຈລະຈາດ້ານການຄ້າ, ກົມນະໂຍບາຍທາງການຄ້າລະຫວ່າງຫຼາຍປະເທດ, ກະຊວງອຸດສາຫະກຳແລະການຄ້າ ຫວຽດນາມ, ເນັ້ນໜັກວ່າ:

        “ວິສາຫະກິດຕ້ອງເປັນເຈົ້າການກ່ວາອີກໃນການກຳແໜ້ນບັນດາຄຳໝັ້ນສັນຍາຂອງ ຫວຽດນາມ ແລະ EU ໃນຂອບເຂດສັນຍາ EVFTA ນີ້. ວິສາຫະກິດກໍ່ຕ້ອງປ່ຽນແປງຈີນຕະນາການການດຳເນີນທຸລະກິດ, ຖືການແກ້ງແຍ້ງເປັນກຳລັງໜູນເພື່ອປ່ຽນແປງໃໝ່, ປັບປຸງຜະລິດຕະພັນທີ່ມີຄຸນນະພາບຂອງຕົນເພື່ອສາມາດຕອບສະໜອງໄດ້ບັນດາຄວາມຮຽກຮ້ອງຕ້ອງການຊຶ່ງ EU ວາງອອກ ສຳລັບສິນຄ້ານຳເຂົ້າ”