(vovworld) – ທີ່ການປະຊຸມຂ່າວໃນຕອນບ່າຍວັນທີ 26/08, ຢູ່ໂຕກຽວ, ປະເທດຍີ່ປຸ່ນ, ຄະນະຈັດຕັ້ງງານບຸນຫວຽດນາມ ໃຫ້ຮູ້ວ່າ Festival ຫວຽດນາມ 2014 ຈະຖືກຈັດຂຶ້ນຢູ່ສວນສາທາລະນະ Yoyogi, ປະເທດຍີ່ປຸ່ນ ດ້ວຍຫົວຂໍ້ວ່າ “ຮ່ວມແຮງຮ່ວມໃຈ”. ທ່ານເອກອັກຄະລັດຖະທູດຫວຽດນາມ ປະຈຳຍີ່ປຸ່ນ ດ່ວານຊວນຮືງ, ຫົວໜ້າຄະນະຈັດຕັ້ງ, ປະທານຮ່ວມງານບຸນຫວຽດນາມ ຫວັງວ່າ Festival ຫວຽດນາມ 2014 ຈະສືບຕໍ່ປະກອບສ່ວນສຳຄັນເຂົ້າໃນສາຍພົວພັນທີ່ສະໜິດສະໜົມລະຫວ່າງລັດຖະບານ ແລະ ປະຊາຊົນ 2 ປະເທດຫວຽດນາມ - ຍີ່ປຸ່ນ.
ຕາມແຫຼ່ງຂ່າວຈາກຄະນະຈັດຕັ້ງງານບຸນໃຫ້ຮູ້ວ່າ, ງານບຸນປີນີ້ຈະມີຮ້ານວາງສະແດງ 98 ຮ້ານ, ລວມມີຮ້ານອາຫານ, ຮ້ານວາງສະແດງສິນຄ້າ, ເຄື່ອງສິນລະປະຫັດຖະກຳ 49 ຮ້ານ ຈຸດພິເສດຂອງງານບຸນປີ 2014 ແມ່ນລາຍການສະແດງລະຄອນຕຸກກະຕານ້ຳ ໂດຍບັນດານັກສິລະປະຫວຽດນາມ ສະແດງ. ຄະນະຈັດຕັ້ງຫວັງວ່າ Festival ຫວຽດນາມ 2014 ຈະດຶງດູດຜູ້ມາຊົມກວ່າ 150.000 ເທື່ອຄົນ, ເພີ່ມຂຶ້ນ 20.000 ເທື່ອຄົນເມື່ອທຽບໃສ່ປີ 2013.