ສັນຍາການຄ້າເສລີ ລະຫວ່າງຫວຽດນາມ ແລະ ສະຫະພັນເສດຖະກິດ ອາຊີ - ເອີລົບ ໄດ້ຮັບການລົງນາມເມື່ອຕອນຄ່ຳວັນທີ 29/5 |
(vovworld)- ສັນຍາການຄ້າເສລີ ລະຫວ່າງຫວຽດນາມ ແລະ ສະຫະພັນເສດຖະກິດ ອາຊີ - ເອີລົບ ໄດ້ຮັບການລົງນາມເມື່ອຕອນຄ່ຳວັນທີ 29/5 ຢູ່ແຂວງ ບູຣາບາຍ ປະເທດ ກາຊັກສະຖານ, ໂດຍມີການເຂົ້າຮ່ວມຂອງທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ພ້ອມກັບນາຍົກລັດຖະມົນຕີຂອງ 5 ປະເທດ: ລັດເຊຍ, ເບລາຣຸດ, ກາຊັກສຖານ, ອັກເມເນຍ, ກິຣກິດສະຖານ ແລະ ປະທານຄະນະປະຈຳຄະນະກຳມາທິການເສດຖະກິດ ອາຊີ - ເອລົບ. ກ່າວຄຳເຫັນທີ່ຢູ່ທີ່ນີ້, ທ່ານນາຍົກລັດຖະມົນຕີຫງວຽນເຕີ້ຢຸງ ກ່າວວ່າ :
“ ສັນຍານີ້ສະແດງໃຫ້ເຫັນວິໄສທັດຍຸດທະສາດຂອງສະຫະພັນກ່ຽວກັບການພັດທະນາການຮ່ວມມືກັບພາກພື້ນອາຊີ - ປາຊີຟິກທີ່ຂະຫຍັນຂັ່ນເຄື່ອນ, ຊຶ່ງແມ່ນກຳລັງໜູນຂອງການເຕີບໂຕເສດຖະກິດທົ່ວໂລກ. ດ້ວຍໂຄງປະກອບເສດຖະກິດ, ສິນຄ້າທີ່ເພີ່ມເຕີມໃຫ້ກັນລະຫວ່າງຫວຽດນາມ ແລະ ບັນດາປະເທດສະມາຊິກສະຫະພັນ, ສັນຍາການຄ້າເສລີຈະປະກອບສ່ວນສຳຄັນໃຫ້ແກ່ການພັດທະນາເສດຖະກິດຂອງແຕ່ລະປະເທດ, ເພີ່ມທະວີການແລກປ່ຽນການຄ້າ, ການບໍລິການ, ການລົງທຶນ 2 ຝ່າຍ ແລະ ເປີດກ້ວາງການພົວພັນຮ່ວມມືໃນພາກພື້ນ. ຫວຽດນາມຈະມານະພະຍາຍາມເພື່ອໃຫ້ສະຫະພັນເສດຖະກິດ ອາຊີ - ເອີລົບເປີດກ້ວາງການພົວພັນກັບອາຊຽນ ”
ກ່ອນໜ້ານັ້ນ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ໄດ້ມີການພົບປະກັບ ນາຍົກລັດຖະມົນຕີຂອງ 5 ປະເທດ: ລັດເຊຍ, ເບລາຣຸດ, ກາຊັກສຖານ, ອັກເມເນຍ, ກິຣກິດສະຖານ. ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ຢືນຢັນວ່າ ຫວຽດນາມຊົມເຊີຍ ແລະ ພ້ອມແລ້ວທີ່ຈະສ້າງເງື່ອນໄຂສະດວກໃຫ້ບັນດານັກລົງທຶນທີ່ມາຈາກສະຫະພັນເສດຖະກິດ ອາຊີ - ເອີລົບ ໃນບັນດາຂົງເຂດທີ່ມີຄວາມສາມາດບົ່ມຊ້ອນຄື: ຂຸດຄົ້ນແຮ່ທາດ, ປຸງແຕ່ງແຮ່ທາດ, ພະລັງງານ, ທາດເຄມີ, ທ່ອງທ່ຽວ. ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ເນັ້ນໜັກວ່າ ຫວຽດນາມຫວັງຍູ້ແຮງ ແລະ ເປີດກ້ວາງການລົງທຶນໄປຍັງບັນດາປະເທດສະມາຊິກສະຫະພັນເສດຖະກິດ ອາຊີ - ເອີລົບໃນບັນດາຂົງເຂດທີ່ມີທ່າແຮງ…
ໃນວັນດຽວກັນ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ໄດ້ມີການພົບປະກັບທ່ານນາຍົກລັດຖະມົນຕີ ກາຊັກສຖານ Karim massimov , ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ຢືນຢັນວ່າ ຫວຽດນາມຍາມໃດກໍເອົາໃຈໃສ່ພັດທະນາການພົວພັນມິດຕະພາບທີ່ເປັນມູນເຊື້ອລະຫວ່າງ ໒ ປະເທດ ແລະ ຖືປະເທດນີ້ແມ່ນຄູ່ຮ່ວມມືທີ່ສຳຄັນຢູ່ອາຊີກາງ.
ແລະ ກໍໃນຕອນຄ່ຳວັນທີ 29/5, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ໄດ້ມີການພົບປະກັບນາຍົກລັດຖະມົນຕີ ກິຣກິດສະຖານ Sariev . ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ຢືນຢັນວ່າ ຍາມໃດຫວຽດນາມກໍຖືປະເທດນີ້ແມ່ນຄູ່ຮ່ວມມືທີ່ສຳຄັນຢູ່ອາຊີກາງ ແລະ ຫວັງຢາກພັດທະນາການພົວພັນຮ່ວມມືຫຼາຍດ້ານກັບ ກິຣກິດສະຖານ.