ວັນທີ 24 ຕຸລາ, ບັນດາລັດຖະມົນຕີກະຊວງການເງິນກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນຂຶ້ນແຖວໜ້າໂລກ (G20) ໄດ້ມີກອງປະຊຸມຢູ່ນອກກອງປະຊຸມປະຈຳປີ ຂອງກອງທຶນເງິນຕາສາກົນ (IMF) ແລະ ທະນາຄານໂລກ (WB) ຢູ່ວໍຊິງຕັນ (ອາເມລິກາ).

ນະທີ່ນີ້, ບັນດາລັດຖະມົນຕີ G20 ໄດ້ເຫັນດີເປັນເອກະພາບກ່ຽວກັບລະດັບຄວາມສຳຄັນຂອງການສ້າງລະບົບພາສີສາກົນຢ່າງມີຄວາມສະເໝີພາບ ແລະ ມີປະສິດທິຜົນກ່ວາ. ຕາມນັ້ນແລ້ວ, ບັນດາປະເທດສະມາຊິກ G20 ຈະສືບຕໍ່ຮ່ວມມືມຸ່ງໄປເຖິງລະບົບພາສີສາກົນທີ່ມີຄວາມສະເໝີພາບ, ກວມລວມ, ມີສະຖຽນລະພາບ ແລະ ມີປະສິດທິຜົນ, ເໝາະສົມກັບ ສະຕະວັດທີ 21. ຖະແຫຼງການຂອງກອງປະຊຸມເນັ້ນໜັກເຖິງຄຳໝັ້ນສັນຍາຂອງບັນດາປະເທດ G 20 ກ່ຽວກັບລັກສະນະໂປງໄສຂອງລະບົບພາສີ ແລະ ຊຸກຍູ້ການໂອ້ລົມສົນທະນາທົ່ວໂລກກ່ຽວກັບການຈັດວາງພາສີຢ່າງມີປະສິດທິຜົນ, ລວມມີທັງ ວົງການເສດຖີ.