(VOVWORLD) - ວັນທີ 5 ພະຈິກ, ລັດຖະມົນຕີການຕ່າງປະເທດ ບັນດາປະເທດ G7 ໄດ້ອອກຖະແຫຼງການກ່ຽວກັບເລື່ອງທົດລອງລູກສອນໄຟນຳວິຖີຂ້າມທະວີບຂອງ ສປປ.ເກົາຫຼີ ໃນທ້າຍເດືອນແລ້ວ.
 ການຍິງລູກສອນໄຟຂອງ ສປປ.ເກົາຫຼີ (ພາບ: Jiji Press) |
ລັດຖະມົນຕີບັນດາປະເທດ G7 ລວມມີ ການາດາ, ຝລັ່ງ, ເຢຍລະມັນ, ອີຕາລີ, ຍີ່ປຸ່ນ, ອັງກິດ, ອາເມເລິກາ ແລະ ຜູ້ຕາງໜ້າອາວຸໂສຂອງ ສະຫະພາບເອີຣົບ ໄດ້ກ່າວປະນາມເຫດທົດລອງລູກສອນໄຟຂອງ ສປປ.ເກົາຫຼີ ໃນວັນທີ 31 ຕຸລາ ຢ່າງແຮງ, ພາຍຫຼັງບັນດາເຫດຍິງລູກສອນໄຟອື່ນໆທີ່ນຳໃຊ້ເຕັກໂນໂລຢີລູກສອນໄຟນຳວິຖີ.
ຖະແຫຼງການດັ່ງກ່າວ ກ່າວຫາ ສປປ.ເກົາຫຼີ ສືບຕໍ່ຊຸກຍູ້ກຳລັງຄວາມສາມາດດ້ານນິວເຄຼຍ ແລະ ລູກສອນໄຟນຳວິຖີແບບຜິດກົດໝາຍ ແລະ ເພີ່ມທະວີບັນດາການເຄື່ອນໄຫວເຮັດໃຫ້ຂາດສະຖຽນລະພາບ. ຖະແຫຼງການດັ່ງກ່າວກໍຢ້ຳຄືນຄຳຮຽກຮ້ອງສ້າງແຫຼມເກົາຫຼີປອດນິວເຄຼຍ ຢ່າງສິ້ນເຊີງ ແລະ ຮຽກຮ້ອງໃຫ້ ສປປ.ເກົາຫຼີ ຍົກເລີກອາວຸດນິວເຄຼຍທຸກປະເພດ, ບັນດາໂຄງການນິວເຄຼຍທີ່ພວມມີ ແລະ ບໍ່ວ່າອາວຸດລ້າງຜານ ກໍຄືໂຄງການນິວເຄຼຍໃດຢ່າງລອບຄອບຖີ່ຖ້ວນ, ອາດສາມາດຢັ້ງຢືນ ແລະ ບໍ່ສາມາດຕ່າວປີ້ນບັນດາມະຕິທີ່ກ່ຽວຂ້ອງຂອງສະພາຄວາມໝັ້ນຄົງ ສປຊ.
ນັກຂ່າວ VOV ປະຈຳ ອາເມລິກາ