ກ່ຳປັ່ນສະໜາມບິນ USS Abraham Lincoln (ພາບ: US Navy/Wikipedia)

ພາຍຫຼັງຖະແຫຼງປະກາດຍິງຕົກເຮືອບິນ UAV ທັນສະໄໝທີ່ມີມູນຄ່າ 30 ລ້ານ USD ລຳທີ 12 ຂອງກອງທັບ ອາເມລິກາ ໄດ້ 2 – 3 ມື້, ວັນທີ 12 ພະຈິກ, ກຳລັງ Houthi ຢູ່ ເຢແມນ ໄດ້ຖະແຫຼງວ່າ ດຳເນີນບັ້ນບຸກໂຈມຕີຖືກກໍ່າປັນສະໜາມບິນ ແລະ ກ່ຳປັ່ນຂັບໄລ່ 2 ລຳ ຂອງ ອາເມລິກາ ຢູ່ບັນດາເຂດທະເລໃນພາກພື້ນ.  ທ່ານ Yahya Saree ໂຄສົກການທະຫານໃຫ້ຮູ້ວ່າ ກຸ່ມກຳລັງປະກອບອາວຸດ ເຢແມນ ໄດ້ດຳເນີນບັ້ນບຸກໂຈມຕີທີ່ໄດ້ຮັບຖືວ່າ ມີຄຸນນະພາບ ເລັ່ງໃສ່ບັນດາກ່ຳປັ່ນສູ້ຮົບ ອາເມລິກາ ຢູ່ສອງເຂດທະເລຂອງພາກພື້ນ. ການບຸກໂຈມຕີຄັ້ວທີໜຶ່ງນໍາໃຊ້ລູກສອນໄຟທີ່ມີປີກ ແລະ ເຮືອບິນບໍ່ມີຄົນຂັບ, ເພື່ອເລັ່ງໃສ່ກ່ຳປັ່ນສະໜາມບິນ USS Abraham Lincoln ທີ່ເຄື່ອນໄຫວຢູ່ທະເລ ອາຣັບ. ການບຸກໂຈມຕີຄັ້ງທີ 2 ນຳໃຊ້ລູກສອນໄຟນຳວິຖີ ແລະ ເຮືອບິນບໍ່ມີຄົນຂັບ, ບຸກໂຈມຕີກ່ຳປັ່ນຂັບໄລ່ 2 ລຳຂອງ ອາເມລິກາ ຢູ່ເຂດທະເລແດງ. ໂຄສົກ Houthi ຢັ້ງຢືນວ່າ, ການບຸກໂຈມຕີ 2 ຄັ້ງດັ່ງກ່າວແກ່ຍາວພາຍໃນ 8 ຊົ່ວໂມງ, ຍິງຖືກເປົ້າໝາຍທີ່ໄດ້ກຳນົດ. ບັນດາບັ້ນບຸກໂຈມຕີເພື່ອແນໃສ່ໂຕ້ຕອບຄືນການປຸກໂຈມຕີທາງອາກາດຂອງທະຫານປະສົມ ອາເມລິກາ - ອັງກິດ ເລັ່ງໃສ່ ເຢແມນ ໃນໄລຍະຜ່ານມາ.  

ບ໊າທີ, ນັກຂ່າວ VOV ປະຈຳ ອີຢິບ