ຜູ້ອຳນວຍການ IAEA ທ່ານ Yukiya Amano ຊີ້ແຈ້ງວ່າ: "ອີຣານ ແມ່ນເປົ້າໝາຍຂອງກົນໄກຕິດຕາມກວດການິວເຄຼຍຢ່າງເຄັ່ງຄັດທີ່ສຸດໃນໂລກ ໃນຂອບເຂດ JCPOA , ແມ່ນຜົນງານຕິດຕາມກວດກາສຳຄັນ".

      ແລະກໍ່ໃນວັນດຽວກັນ, ພະຄາດີນັນອີຣານ Ali Khamenei ຢືນຢັນວ່າ, ເຕເຮຣານ ຈະຖອນຕົວອອກຈາກຂໍ້ຕົກລົງນິວເຄຼຍ ເວັ້ນເສຍແຕ່ບັນດາຝ່າຍທີ່ຍັງເຫຼືອຂອງເອີລົບ ຍົກອອກໄດ້ການຮັບປະກັນຢ່າງແນວແນ່ວ່າ ບັນດາການພົວພັນດ້ານການຄ້າຈະສືບຕໍ່ໄດ້ຮັບການປະຕິບັດ ພາຍຫຼັງອາເມລິກາ ຖອນຕົວອອກຈາກຂໍ້ຕົກລົງດັ່ງກ່າວ. ໃນບົດກ່າວປາໄສຕໍ່ລັດຖະບານອີຣານ ທີ່ໄດອອກອາກາດທາງໂທລະພາບ, ທ່ານ Khamenei ໄດ້ສະແດງຄວາມສົງໄສກ່ຽວກັບຄວາມປາດຖະໜາຢາກຮັກສາຂໍ້ຕົກລົງຂອງເອີລົບ ໄວ້, ພ້ອມທັງຖືວ່າ, ຖ້າຫາກວ່າບໍ່ໄດ້ຮັບປະກັນຈາກບັນດາປະເທດເຂົ້າຮ່ວມ, ອີຣານ ຈະປະເຊີນໜ້າກັບໄພອັນຕະລາຍບັນດາຝ່າຍທີ່ຍັງເຫຼືອຖອນຕົວອອກຈາກຂໍ້ຕົກລົງຄືດັ່ງອາເມລິກາ. ສຳນັກຂ່າວສານອີຣານ ໄດ້ຄັດຄຳເວົ້າຂອງທ່ານລັດຖະມົນຕີກະຊວງປ້ອງກັນປະເທດອີຣານ Amir Hatami ຢືນຢັນວ່າ, ດ້ວຍກຳລັງຄວາມສາມາດດ້ານປ້ອງກັນຊາດທີ່ມີໃນປະຈຸບັນ, ອີຣານຈະບໍ່ຖືກບໍ່ວ່າກຳລັງພາຍນອກໃດນາບຂູ່ດ້ານການທະຫານ.