(vovworld) – ​ ​​ວັນ​ທີ 10/3, ອົງ​ກາ​ນ​ພະ​ລັງ​ງານ​ປະ​ລະ​ມາ​ນູ​ສາ​ກົນ (IAEA) ຮຽກ​ຮ້ອງ​ໃຫ້​ຝ່າຍ ອີ​ຣານ ສະ​ໜອງ​ຂໍ້​ມູນ​ຂ່າວ​ສຳ​ຄັນ​ກ່ຽວ​ຂ້ອງ​ເຖິງ​ໂຄງ​ການ​ນິ​ວ​ເຄຼຍ​ທີ່ກໍ່​ຄວາມ​ໂຕ້​ຖຽງ​ກັນ​ຂອງ ເຕ​ເຮ​ຣານ ໃຫ້​ອົງ​ການ​ນີ້​ໂດຍ​ໄວ. IAEA  ຍັງ​ຮຽກ​ຮ້ອງ​ຍູ້​ໄວ​ວິ​ວັດ​ທະ​ນາ​ການກວດ​ກາ​ໂຄງ​ການ​ນິ​ວ​ເຄຼຍ​ຂອງ​ປະ​ເທດ ອິດ​ສະ​ລ​າມ ນີ້​ໃນ​ຂອບ​ເຂດ​ຂໍ້​ຕົກ​ລົງ​ຮ່ວມ​ມື, ພ້ອມ​ທັງ​ໃຫ້​ຮູ້​ຕື່ມ​ອີກວ່າ: ການ​ພົບ​ປະ​ລະ​ຫວ່າງ​ອົງ​ການນີ້ ແລະ ຝ່າຍ ອີ​ຣານ ດຳ​ເນີນ​ໄປ​ກ່ອນນີ້​ໜຶ່ງວັນ​ຢູ່ ເຕ​ເຮ​ຣານ ໄດ້​ມີ​ຄວາມ​ຄືບ​ໜ້າ, ເຖິງວ່າ 2 ຝ່າຍ​ຍັງ​ບໍ​່​ທັນ​ແກ້​ໄຂ​ໄດ້​ບັນ​ດາ​ບັນ​ຫາ​ຕົ້ນ​ຕໍກໍ່​ຕາມ. ກ່າວ​ຄຳ​ເຫັນ​ກ່ຽວ​ກັບ​ບັນ​ຫານີ້, ທ່ານ​ຮອງ​ຜູ້​ອຳ​ນ​ວຍ​ການ​ໃຫຍ່ IAEA Tero Varjoranta ໃຫ້​ຮູ້​ວ່າ: ອົງ​ການນີ້, ລໍ​ຄອຍ​ຝ່າຍ ອີ​ຣານ ສະ​ໜອງ​ຂໍ້​ມູນ​ຂ່າວ​ຕື່ມ​ອີກ​ກ່ຽວ​ກັບ​ໂຄງ​ການ​ນິວ​ເຄຼຍ​ຂອງ​ຕົນ. IAEA ແລະ ອີ​ຣານ ກໍ່​ໄດ້​ເຫັນ​ດີ​ເປັນ​ເອ​ກະ​ສັນ​ຈັດ​ຕັ້ງ​ການ​ພົບ​ປະ​ຄັ້ງ​ຕ່າງໆ​ໃນ​ກາງ​ເດືອນ 4 ຈະ​ມາ​ເຖິງ​ເພື່ອ​ແນ​ໃສ່​ປຶກ​ສາ​ຫາ​ລື​ບັນ​ດາ​ບັນ​ຫາ​​ຍັງ​ຄົງ​ຄ້າງ​ທີ່ກ່ຽວ​ຂ້ອງ​ເຖິງ​ໂຄງ​ການ​ນິວ​ເຄຼຍ​ຂອງ ເຕ​ເຮ​ຣານ.