IEA: ຄວາມຕ້ອງການທົ່ວໂລກກ່ຽວກັບເຊື້ອໄຟຟອກຊິວ ຈະບັນລຸລະດັບສູງສຸດໃນປີ 2030
(VOVWORLD) - ໃນບົດລາຍງານ “ແງ່ຫວັງພະລັງງານໂລກ 2023” ປະກາດໃນວັນທີ 24 ຕຸລາ, ອົງການພະລັງງານສາກົນ (IEA) ຄາດຄະເນວ່າ ຄວາມຕ້ອງການທົ່ວໂລກກ່ຽວກັບຖ່ານຫີນ, ນ້ຳມັນ ແລະ ເຊື້ອໄຟທຳມະຊາດ ຈະເປັນຄັ້ງທຳອິດໃນປະຫວັດສາດທີ່ບັນລຸໄດ້ລະດັບສູງສຸດໃນທົດສະວັດນີ້.
 ຄ້າຍພະລັງແຮງລົມຢູ່ ຝລັ່ງ (ພາບ: AFP/TTXVN) |
ການຄາດຄະເນດັ່ງກ່າວ ໄດ້ຍົກອອກມາ ໂດຍອີງໃສ່ບັນດານະໂຍບາຍໃນປັດຈຸບັນຂອງບັນດາປະເທດໃນໂລກ ກ່ຽວກັບຄວາມຕ້ອງການພັດທະນາເຕັກໂນໂລຢີພະລັງງານສະອາດ, ກໍຄືການປ່ຽນແປງໂຄງປະກອບເສດຖະກິດໃນຂອບເຂດທົ່ວໂລກ. ຕາມ IEA ແລ້ວ, ອັດຕາສ່ວນເຊື້ອໄຟຟອກຊິວໃນຍອດພະລັງງານທັງໝົດທີ່ສະໜອງໃນທົ່ວໂລກ ຈະຫຼຸດລົງເປັນ 73% ໃນປີ 2030. ປະລິມານການປ່ອຍ CO2 ທີ່ກ່ຽວຂ້ອງເຖິງພະລັງງານທົ່ວໂລກ ຈະບັນລຸລະດັບສູງສຸດໃນປີ 2025.
ບົດລາຍງານໄດ້ເຜີຍໃຫ້ຮູ້ວ່າ ຄວາມຕ້ອງການທົ່ວໂລກກ່ຽວກັບເຊື້ອໄຟຟອກຊິວ ຍັງຄົງຢູ່ໃນລະດັບສູງ. ດັ່ງນັ້ນ, ຕາມ IEA ແລ້ວ, ຍາກທີ່ຈະບັນລຸໄດ້ເປົ້າໝາຍຂອງ ສັນຍາ ປາຣີ ປີ 2015 ກ່ຽວກັບການຈຳກັດອຸນຫະພູມທົ່ວໂລກເພີ່ມຂຶ້ນສະເລ່ຍ ຢູ່ໃນລະດັບ 1,5 ອົງສາ C.