(vovworld) – ​​​ວັນ​ທີ 5/4, ອົງ​ການ​ລັດ​ອິດ​ສະ​ລາມ (IS) ອ້າງ​ຊື່​ເອງໄດ​້​ວາງ​ລະ​ເບີດ​​ໃສ່ໂບດ​ແຫ່ງ​ໜຶ່ງ​ຂອງ​ຊາວ​ກາ​ໂຕ​ລິກ​ຢູ່​ແຂວງ Hasaka ທາງ​ທິດ​ຕາ​ເວັນ​ອອກ​ສ່ຽງ​ເໜ​ືອ ຊີ​ຣີ. ເຫດ​ການ​ດັ່ງ​ກ່າວ​ເກີດ​ຂຶ້ນ​ໃນ​ຈຸດ​ເວ​ລາ​ທີ່​ປ​ະ​ຊາ​ຄົມ​ຊາວ​ກາ​ໂຕ​ລິກ ໃນ​ທົ່ວ​ປະ​ເທດ ຊີ​ຣີ ພວມ​ຈັດ​ຕັ້ງ​ພິ​ທີ Easter . ສຳ​ນັກ​ຂ່າວ​ສານ​ແຫ່ງ​ລັດ SANA ໃຫ້​ຮູ​້​ວ່າ: IS ໄດ້​ວາງ​ລະ​ເບີດ​ຢູ່​ໂບດ Virgin Mary ໃນ​ເທດ​ສະ​ບານ Tal Nasra, ເຊິ່ງ​ແມ່ນ​ໜຶ່ງ​ໃນ​ໂບດ 3 ແຫ່ງ​ໃຫຍ່​ທີ່​ສຸດ​ຢູ່​ເຂດນີ້. ເຈົ້າ​ໜ້າ​ທີ່ ຊີ​ຣີ ຢັ້ງ​ຢືນ​ວ່າ: ນີ້​ແມ່ນໜຶ່ງ​ໃນ​ບັນ​ດາ​ເຫດ​ການ​ບຸກ​ໂຈມ​ຕີ​​ຫົວ​ຮຸນ​ແຮງ​ເຊິ່ງ IS ພວມ​ດຳ​ເນີນ​ໃນ​ທົ່ວ​ປະ​ເທດ ຕາ​ເວັນ​ອອກ​ກາງນີ້. ກ່ອນ​ໜ້ານັ້ນ, ໃນ​ເດືອນ 2 ຜ່ານ​ມາ, IS ໄດ້​ທຳ​ລາຍ​ໂບດ Tal Hurmoz, ເຊິ່ງ​ແມ່ນ​ໜຶ່ງ​ໃນໂບດ 3 ແຫ່ງ​ທີ​່​​ມີ​ມາ​ແຕ່ດົນ​ນານ​ທີ່​ສຸດ​ຢູ່ ຊີ​ຣີ, ທ​ຳ​ລາຍ​ໂບດ​ອື່ນໆ 3 ແຫ່ງຢ​ູ່​ເທດ​ສະ​ບານ Tal Tamer ຂອງ Hasaka. ຕາມ​ເຈົ້າ​ໜ້າ​ທີ່ ຊີ​ຣີ ແລ​້ວ, IS ​ໄດ້ທຳ​ລາຍ​ປູ​ຊະ​ນີ​ຍະສະ​ຖານ​ປະ​ຫວັດ​ສາດ ແລະ ເຂດ​ຄົ້ນ​ຄ​້​ວາ​ປະ​ຫວັດ​ສາດ​ເດີມຫຼາຍ​ແຫ່ງ​ຂອງ ຊີ​ຣີ, ໃນ​ນັ້ນ​ມີສະ​ຖາ​ນ​ທີ່ 6 ແຫ່ງແມ່​ນ​ມໍ​ລະ​ດົກ​ໂລກ​.