(vovworld) – Moody’s ຕີ​ລາຄາ ​ຫວຽດນາມ, ອິນ​ໂດ​ເນ​ເຊຍ, ຟີ​ລິບ​ປິນ​ ແມ່ນ​ກຳລັງ​ໜູນ​ຂອງ​ອາ​ຊຽນ​ໃນ 2​ ປີ​ຈະ​ມາ​ເຖິງ - ນີ້​ແມ່ນ​ໝາກຜົນ​ທີ່ໄດ້​ຍົກ​ອອກ​ມາ​ໃນ​ບົດ​ລາຍ​ງານ​ການ​ຕີ​ລາຄາ​ແງ່​ຫວັງ​ການ​ເຕີບ​ໂຕ​ດ້ານ​ເສດຖະກິດ​ຂອງ​ບັນດາ​ປະ​ເທດ​ອາຊີ​ຕາ​ເວັນ​ອອກ​ສຽງ​ໃຕ້ (ອາ​ຊຽນ) ​ໂດຍ​ອົງການ​ຈັດ​ອັນ​ດັບ​ສິນ​ເຊື່ອ Moody’s ປະກາດ​ເມື່ອ​ວັນ​ທີ 22/3. ຕາມ​ການ​ໄຈ້​ແຍກ​ຂອງ​ທ່ານ Rahul Ghosh, ຮອງ​ປະທານ, ນັກ​ຊ່ຽວຊານ​ຄົ້ນ​ຄ້ວາ​ຂັ້ນ​ສູງຂອງ Moody’s ​ແລ້ວ, ​ໃນ 2 ປີ​ຈະ​ມາ​ເຖິງ, ຫວຽດນາມ ຈະ​ແມ່ນ​ພື້ນຖານ​ເສດຖະກິດ​ມີ​ລະດັບ​ເຕີບ​ໂຕ​ພົ້ນ​ເດັ່ນ​ໃນ​ພາກ​ພື້ນ​ຍ້ອນ​ການ​ໜູ​ນຊ່ວຍ​ຂອງ​ການ​ເຄື່ອນ​ໄຫວ​ຜະລິດ​​ແຂງ​ແຮ​ງ​ ​ແລະ ​ແຫຼ່ງທຶນ​ລົງທຶນ​​ໂດຍ​ກົງ​ຈາກ​ຕ່າງປະ​ເທດ​ເພີ່ມ​ຂຶ້ນ. ​ໃນ​ຂະນະ​ນັ້ນ, ການ​ເຕີບ​ໂຕ​ດ້ານ​ເສດຖະກິດ​ຂອງ ອິນ​ໂດ​ເນ​ເຊຍ ​ແລະ ຟີ​ລິບ​ປິນ ອາດ​ຈະ​ເພີ່ມ​ຂຶ້ນ​ໃນປີ 2016 ​ແລະ 2017, ຍ້ອນ​ຄວາມ​ຕ້ອງການ​ຢູ່ພາຍ​ໃນ​ປະ​ເທດ​ເພີ່ມ​ຂຶ້ນ.