(vovworld) – ກອງ​ປະ​ຊຸມຂັ້ນ​ສູງ​ພິ​ເສ​​ດທີ່​ແກ່ຍາວ​ເປັນ​ເວລາ 1 ວັນ​ຂອງ​ອົງການ​ກອງ​ປະຊຸມ​ອິດສະ​ລາມ (OIC) ອັດ​ລົງ​ໃນ​ວັນ​ທີ 7/3 ຢູ່ Jakarta , ອິນ​ໂດ​ເນ​ເຊຍ, ດ້ວຍ​ເລື່ອງ​ຮັບຮອງ​ເອົາ “ຖະ​ແຫຼ​ງການ Jakarta“, ຮຽກຮ້ອງ​ດຳ​ເນີນ 23 ບາດກ້າວ​ລະອຽດ ​ເພື່ອ​ແນ​ໃສ່​ສະໜັບສະໜູນ ປາ​ແລດ​ສະຕີ​ນ. ຕາມ​ຖະ​ແຫຼ​ງການດັ່ງກ່າວ OIC ຮຽກຮ້ອງ​ປະຊາ​ຄົມ​ສາກົນ​ປະຕິ​ເສດ​ບັນດາ​ຜະລິດ​ຕະພັນ​ຂອງ ອິດສະຣາ​ແອນ ທີ່​ຜະລິດ​ຢູ່​ບັນດາ​ເຂດ​ຕັ້ງ​ພູມລຳ​ເນົາ​ຄົງ​ທີ່​ຂອງ​ຊາວ​ຢີວ ​ແລະ ບັນດາ​ໂຄງການ​ກໍ່ສ້າງ​ເຂດ​ຕັ້ງ​ພູມລຳ​ເນົາ​ຄົງ​ທີ່​ຢ່າງ​ຜິດ​ກົດໝາຍ,​ ຊຸກຍູ້​ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ ຍົກ​ອອກ​ມາດ​ຕະການ​ແກ້​ໄຂ​ສຳ​ລັບ​ເລື່ອງອິດສະຣາ​ແອນ ກໍ່ສ້າງ​ບັນດາ​ເຂດ​ຕັ້ງ​ພູມລຳ​ເນົາ​ຄົງ​ທີ່​ຢ່າງ​ຜິດ​ກົດໝາຍ, ອັນ​ໄດ້​ທຳລາຍ​ມາດ​ຕະການ​ສັນຕິພາບ​ລະຫວ່າງ​ສອງ​ປະ​ເທດ. ຖະ​ແຫຼ​ງການ​ຢືນຢັນ​ຄືນ​ໃໝ່​ການສະໜັບສະໜູນຂອງ OIC ສຳລັບ​ສິດ​ຕັດສິນ​ດ້ວຍ​ຕົນ​ເອງ​ຂອງ​ຊາວ ປາ​ແລດ​ສະຕີ​ນ. ຖະ​ແຫຼ​ງການ​ຮຽກຮ້ອງ​ການ​ນຳ​ບັນດາ​ປະ​ເທດ ອິດສະ​ລາມ​ຄວນ​ຍົກ​ອອກ​ທັດສະນະ​ເປັນ​ເອກະ​ພາບ​ໃນ​ບັນດາ​ເວທີ​ສາກົນ, ພິ​ເສດ​ແມ່ນ​ບັນຫາ​ປ່ອນ​ບັດ ​ແລະ ລະດົມ​ການ​ສະໜັບສະໜູນ​ສຳລັບ​ຂໍ້​ຕົກລົງ​ຕ່າງໆ​ຂອງ​ສະຫະ​ປະຊາ​ຊາດ​ທີ່​ສະໜັບສະໜູນ​ປາ​ແລດ​ສະຕີ​ນ.