(vovworld) – ຕອນ​ບ່າຍ​ວັນ​ທີ 15/12, ທ່ານ​ປະທານ​ປະ​ເທດ ຫວຽດນາມ ​ເຈືອງ​ເຕີ໋ນຊາງ ​ໄດ້​ໃຫ້ການ​ຕ້ອນຮັບ​ທ່ານ Abdullah Bin Ibrahim Abdulrahman Sultan Al – Hamar, ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມ​ແຫ່ງ​ລັດ Qatar, ​ເຂົ້າ​ຢ້ຽມອຳ​ລາ ​ເນື່ອງ​ໃນ​ໂອກາດ​ສິ້ນ​ສຸດ​ການ​ປະຕິບັດ​ໜ້າ​ທີ່​ທາງການ​ທູດ​ຢູ່ ຫວຽດນາມ. ທີ່​ການ​ຕ້ອນຮັບ, ທ່ານ​ປະທານ​ປະ​ເທດ ​ເຈືອງ​ເຕີ໋ນຊາງ ຕີ​ລາຄາ​ສູງ​​ໃນອາຍຸ​ການ​ຜ່ານ​ມາ, ທ່ານ​ເອກ​ອັກຄະ​ລັດຖະທູດ Abdullah ​ໄດ້​ປະກອບສ່ວນ​ຊຸກຍູ້​ສາຍພົວພັນ​ມິດຕະພາບ​ ​ແລະ ການຮ່ວມ​ມື​ລະຫວ່າງ 2 ປະ​ເທດ. ທ່ານ​ປະທານ​ປະ​ເທດ ປາດ​ຖະໜາ​ວ່າ: ​ໃນ​ໄລຍະ​ຈະ​ມາ​ເຖິງ, ຫວຽດນາມ ​ແລະ Qatar ສືບ​ຕໍ່​ເພີ່ມ​ທະວີ​ການ​ພົບ​ປະ​ຂັ້ນ​ສູງ, ​ແລກປ່ຽນ​ບັນດາ​ຄະນະ​ວິ​ສາ​ຫະກິດ ​ເພື່ອ​​ແນ​ໃສ່ຊຸກຍູ້​ການ​ຮ່ວມ​ມື​ລົງທຶນ, ການ​ຄ້າລະ​ຫວ່າງ 2 ປະ​ເທດ​ໃນ​ທຸກ​ຂົງ​ເຂດ.

        ສ່ວນ​ທ່ານ Abdullah ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມ​ແຫ່ງ​ລັດ Qatar ​ເນັ້ນ​ໜັກ​ວ່າ: ລັດຖະບານ Qatar ປາດ​ຖະໜາ​ຢາ​ກ​ໄດ້​ລົງທຶນ​ເຂົ້າ​ບັນດາ​ໂຄງການ​ໃຫຍ່, ຍາວ​ນານ​ຢູ່ ຫວຽດນາມ. ພ້ອມ​ກັນ​ນັ້ນ ທ່ານ​ເອກ​ອັກຄະ​ລັດຖະທູດ​ຍັງໃຫ້​ຮູ້​ວ່າ: Qatar ​ໄດ້​ເປີດ​ທະນາຄານຢູ່​ນະຄອນ ​ໂຮ່ຈີ​ມິນ ​ແລະ ຫວັງ​ວ່າ ຫວຽດນາມ ຈະ​ສ້າງ​ເງື່ອນ​ໄຂ ​ເພື່ອ​​ເປີດ​ສາຂາ​ທະນາຄານ​ຢູ່ ຮ່າ​ໂນ້ຍ ຕື່ມ​ອີກ​ໂດຍ​ໄວ. ນີ້​ຈະ​ແມ່ນ​ຂົວ​ຕໍ່, ​ເປີດ​ກາລະ​ໂອກາດ​​ເພື່ອສະໜອງ​ທຶນ​ໃຫ້​ແກ່​ບັນດາວິ​ສາ​ຫະກິດຢູ່ ຫວຽດນາມ.