ວັນທີ 30 ມີນາ, ສຳນັກຂ່າວສານ Reuters (ອັງກິດ) ໄດ້ເຜີຍໃຫ້ຮູ້ເນືື້ອໃນເອກະສານ ເຊິ່ງທ່ານປະທານາທິບໍດີ ອາເມລິກາ Donald Trump ມອບ ໃຫ້ການນຳ ສປປ.ເກົາຫຼີ Kim Jong-un ໂດຍກົງ ພາຍຫລັງການນຳ 2 ທ່ານໄດ້ດຳເນີນການເຈລະຈາຢູ່ໂຮງແຮມ Metropole ຢູ່ ຮ່າໂນ້ຍ ໃນວັນທີ 28 ກຸມພາ.

        ເອກະສານມີທັງພາສາ ເກົາຫຼີ ແລະ ພາສາ ອັງກິດ ກ່ຽວກັບທັດສະນະຂອງ ອາເມລິກາ ສຳລັບວິວັດທະນາການສ້າງແຫຼມ ເກົາຫຼີ ປອດນິວເຄຼຍ. ນອກຈາກເລື່ອງຍົກອອກຄຳນິຍາມກ່ຽວກັບຄວາມສຳນຶກ “ປອດນິວເຄຼຍ” ຂອງ ອາເມລິກາ ຢ່າງຈະແຈ້ງ, ເອກະສານຍັງຮຽກຮ້ອງ ສປປ.ເກົາຫຼີ ຈົ່ງວາງອາວຸດປະລະມານູ ແລະ ເຊື້ອໄຟນິວເຄຼຍໃຫ້ ອາເມລິກາ. ຍ້ອນການສະເໜີທີ 2 ນີ້ເອງ ຈຶ່ງພາໃຫ້ເກີດເລື່ອງກອງປະຊຸມສຸດຍອດຄັ້ງທີ 2 ຖືກຢຸດຕິຢ່າງກະທັນຫັນ ແລະ ບໍ່ສາມາດບັນລຸໄດ້ໝາກຜົນຄືດັ່ງຄວາມຫວັງຂອງທັງ 2 ຝ່າຍ.