ດຶງດູດການລົງທຶນຂອງຕ່າງປະເທດເຂົ້າບັນດາເຂດອຸດສາຫະກຳພາກເຫນືອຫວຽດນາມ
(vovworld)- ເຖິງວ່າ ຖືກຜົນສະທ້ອນຈາກວິກິດການເສດຖະກິດໂລກກໍຕາມ, ແຕ່ໃນຊຸມປີມໍ່ໆມານີ້, ການລົງທຶນໂດຍກົງຈາກຕ່າງປະເທດ (FDI) ເຂົ້າບັນດາແຂວງພາກເຫນືອຫວຽດນາມຫລາຍພໍສົມຄວນ, ໃນນັ້ນ ມີຫລາຍໂຄງການລົງທຶນເຂົ້າບັນດາເຂດອຸດສາຫະກຳ. ສິ່ງດັ່ງກ່າວສະແດງໃຫ້ເຫັນວ່າ: ບັນດານັກລົງທຶນຕ່າງປະເທດເຫັນໄດ້ບັນດາກາລະໂອກາດສະດວກຢູ່ບັນດາແຂວງພາກເຫນືອເພື່ອລົງທຶນໃຫມ່ຫລືເປີດກວ້າງການລົງທຶນ. ໃນລາຍການເສດຖະກິດພາກນີ້, ເຊີນທ່ານຮັບຟັງບົດຂຽນຂອງນັກຂ່າວ ໂຕຕວນທີ່ພາດຫົວເລື່ອງວ່າ: ດຶງດູດການລົງທຶນຂອງຕ່າງປະເທດເຂົ້າເຂດອຸດສາຫະກຳພາກເຫນືອຫວຽດນາມ.
ປີ 2012, ບັນດາແຂວງທາງພາກເຫນືອຫວຽດນາມ ໄດ້ດຶງດູດເງິນລົງທຶນໂດຍກົງຂອງຕ່າງປະເທດ (FDI) ປະມານ 6 ຕື້ USDໃນຈຳນວນທຶນ FDI 13 ຕື້ USD ຂອງທັງປະເທດ. ໃນຈຳນວນ 10 ແຂວງນຳຫນ້າໃນການດຶງດູດທຶນ FDI, ມີ 6 ແຂວງທາງພາກເຫນືອ, ຊື່ງລວມມີ: ຮ່າໂນ້ຍ, ຫາຍຟ່ອງ, ບັກນີງ, ບັກຢາງ, ກວ໋າງນີງ ແລະ ຮືງອຽນ ດຶງດູດທຶນ FDI ກວ່າ 5 ຕື້ USD. ບາງແຂວງພູດອຍທາງພາກເຫນືອ ເຖິງວ່າຍັງປະສົບກັບຄວາມຫຍຸ້ງຍາກກໍຕາມ ແຕ່ມີການຫັນປ່ຽນເມື່ອດຶງດູດທຶນຈົດທະບຽນໃຫມ່ ແລະ ທຶນເພີ່ມເຕີມຕື່ມອີກເກືອບ 1 ຕື້ USD . ເປັນອັນກວ່າ ໃນປີ 2012, ບັນດາແຂວງທາງພາກເຫນືອສ່ວນຫລາຍລ້ວນແຕ່ດຶງດູດໂຄງການລົງທຶນຂອງຕ່າງປະເທດ ແລະ ທຶນ FDI ໃຫມ່. ເພື່ອບັນລຸໄດ້ໝາກຜົນດັ່ງກ່າວ, ໃນໄລຍະຜ່ານມາ, ລັດຖະບານໄດ້ຊີ້ນຳໃຫ້ບັນດາກະຊວງ, ຂະແຫນງການ ແລະ ທ້ອງຖິ່ນປະຕິບັດວຽກງານວາງແຜນກຳນົດ, ສ້າງການພັດທະນາຕິດພັນກັບການກໍ່ສ້າງພື້ນຖານໂຄງລ່າງສັງຄົມ. ນອກຈາກສ້າງບັນດາເອກະສານນິຕິກຳສ້າງສິດເປັນເຈົ້າການໃຫ້ແກ່ບັນດາເຂດອຸດສາຫະກຳໃຫ້ສົມບູນແບບ, ລັດຍັງຍູ້ແຮງການຫນູນຊ່ວຍກ່ຽວກັບເງິນລົງທຶນເຂົ້າຂົງເຂດກໍ່ສ້າງພື້ນຖານໂຄງລ່າງ, ສ້າງເງື່ອນໄຂເພື