(ຈົດໝາຍ​ທາງ​ການຂອງ ອົງການ​​ໃຊ້​ພາສາ​ຝລັ່ງສາກົນ ແລະ UNESCO)

(vovworld) – ຕໍ່ໜ້າ​ການ​ກະທຳ​ລະ​ເມີດ​ກົດໝາຍ​ຂອງ​ຈີນ, ວັນ​ທີ 06/06, ອົງການ​​ໃຊ້​ພາສາ​ຝລັ່ງສາກົນ ​ແລະ ອົງການ​ຈັດ​ຕັ້ງ UNESCO ​ໄດ້ສົ່ງ​ຈົດໝາຍ​ທາງ​ການ​​ເຖິງ​ຄະນະ​ຜູ້​ຕາງ​ໜ້າຫວຽດນາມ ປະຈຳ​ອົງການ​ນີ້. ​ໃນຈົດໝາຍ​ທາງ​ການ 2 ສະບັບ​ໄດ້​ສະ​ແດງ​ໃຫ້​ເຫັນ​ຄວາມ​ວິຕົກ​ກັງວົນ​ຢ່າງ​ເລິກ​ເຊິ່ງຕໍ່​ເລື່ອງ​ຄວາມ​ເຄັ່ງ​ຕຶງ​ຢູ່​ທະ​ເລ​ຕາ​ເວັນ​ອອກ ​ແລະ ຮຽກຮ້ອງ​ທຸກ​ຝ່າຍ​ທີ່​ກ່ຽວຂ້ອງ​ຄວນ​ລະງັບ​ໃຈ ​ແລະ ​ເຄົາລົບ​ກົດໝາຍ​ສາກົນ.

        ​ເມື່ອ​ຕອບ​ສຳພາດ​ຕໍ່​ນັກ​ຂ່າວ VOV ປະຈຳ​ຝລັ່ງ, ທ່ານ​ເອກ​ອັກຄະ​ລັດຖະທູດຫວຽດນາມ ​ເຍືອງ​ຈິ໋ຢຸງ, ຫົວໜ້າ​ຜູ້​ຕາງໜ້າ​ຫວຽດນາມ ປະ​ຈຳ UNESCO ​ແລະ ອົງການ​ໃຊ້​ພາສາ​ຝລັ່ງ​ສາກົນ ​ເນັ້ນ​ໜັກ​ວ່າ ​ເລື່ອງ​ທັງ 2 ອົງການ​ດັ່ງກ່າວ​ລ້ວນ​ແຕ່​ອອກ​ຈົດໝາຍ​ທາງ​ການ​ກ່ຽວ​ກັບ​ບັນຫາ​ທະ​ເລ​ຕາ​ເວັນ​ອອກ​ແມ່ນ​ເຫດການ​ພິ​ເສດ. ທ່ານ​ເອກ​ອັກຄະ​ລັດຖະທູດ ​ເຍືອງ​ຈິ໋ຢຸງ ກ່າວ​ວ່າ.

        “ນີ້​ແມ່ນ 2 ອົງການວິຊາ​ການ​ຂອງ​ສປຊ ດັ່ງ​ນັ້ນ ບໍ່​ເຄີຍ​ເຕືອງ​ເຖິງ​ບັນຫາສະດຸ້ງ​ ​ໂດຍ​ສະ​ເພາະ​ແມ່ນ​ບັນຫາ​ໃຫຍ່​ຄື​ການ​ຂັດ​ແຍ້​ງອະທິປະ​​ໄຕ. ​ເນື້ອ​ໃນ​ຈົດໝາຍ​ທາງ​ການ 2 ສະບັບ​ນັ້ນ ​ໄດ້​ສະ​ແດງ​ຄວາມ​ວິຕົກ​ກັງວົນ​ຕໍ່​ຄວາມ​ເຄັ່ງ​ຕຶງ​ທີ່​ນັບ​ມື້​ນັບ​ເພີ່ມ​ຂຶ້ນ, ຮຽກຮ້ອງ​ໃຫ້​ຝ່າຍ​ຕ່າງໆ​ທີ່​ກ່ຽວຂ້ອງ​ດຳ​ເນີນ​ການເຈລະຈາ​ສັນຕິພາບ ​ແລະ ​ແກ້​ໄຂ​​ໂດຍ​ສັນຕິ​ວິທີ ​ແລະ ​ເຄົາລົບ​ກົດ​ໝາ​ຍສາກົນ. ນັ້ນ​ກໍ່​ແມ່ນ​ສິ່ງ​ທີ່​ຫວຽດນາມ ປາດ​ຖະໜາ”.

        ພ​້ອມກັນ​ນັ້ນ, UNESCO ​ແລະ ອົງການ​​ໃຊ້​ພາສາ​ຝລັ່ງສາກົນ​ຍັງ​ສົ່ງບົດ​ບັນທຶກ​ຊ່ວຍ​ຈຳ​ຂອງ​ຫວຽດນາມ ກ່ຽວ​ກັບ​ສະພາບ​ການ​ຢູ່​ທະ​ເລ​ຕາ​ເວັນ​ອອກ ​ເຖິງ​ບັນດາ​ປະ​ເທດ​ສະມາຊິກຂອງ 2 ອົງການ​ນີ້.