ກຳລັງກູ້ໄພກູ້ຊີບກອບກູ້ຊາວລີ້ໄພຢູ່ນອກຝັ່ງທະເລ ລີບີ  (ພາບ: AFP/TTXVN)

  ວັນທີ 05 ຕຸລາ, ທ່ານ Filippo Grandi, ຫົວໜ້າອົງການຂ້າຫລວງໃຫຍ່ສະຫະປະຊາຊາດເພື່ອຊາວອົບພະຍົບ (UNHCR) ໄດ້ຕຳໜິຕິຕຽນບັນດາປະເທດທີ່ປິດປະຕູຊາຍແດນກັບຊາວລີ້ໄພທີ່ທຸກຍາກລຳບາກ ແລະ ຖືວ່າ ເລື່ອງປະຕິເສດການອະນຸຍາດໃຫ້ຊາວອົບພະຍົບເຂົ້າທຽບທ່າກ່ຳປັ່ນ ແມ່ນສາຍເຫດທີ່ກໍ່ໃຫ້ເກີດສະພາບການສັບສົນວຸ້ນວາຍຢູ່ທະເລໃນປະຈຸບັນ. ກ່າວຄຳເຫັນໄຂກອງປະຊຸມປະຈຳປີຂອງອົງການຂ້າຫລວງໃຫຍ່ສະຫະປະຊາຊາດເພື່ອຊາວອົບພະຍົບຢູ່ເຊີແນວ ປະເທດ ສະວິດ, ທ່ານ Filippo Grandi ໃຫ້ຮູ້ວ່າ: ຊາວອົບພະຍົບ ແລະ ຊາວລີ້ໄພໃນໂລກ ພວມບໍ່ສົນໃຈຕໍ່ຄວາມອັນຕະລາຍໃດໆ ເພື່ອສືບຕໍ່ຊອກຫາເສັ້ນທາງໄປຫາບ່ອນປອດໄພ ແລະ ມີໂອກາດ, ມາດຕະການສຳລັບບັນດາປະເທດທີ່ພວມແມ່ນສະຖານທີ່ປອດໄພຂອງຊາວລີ້ໄພ ແມ່ນບໍ່ອາດປິດປະຕູໄດ້.