Vietnam Airline-ບໍລິສັດການບິນທີ 2ໃນໂລກຮັບເຮືອບິນAirbusA350
ທຸ່່ຍເວີນ, ນັກຂ່າວ VOV ປະຈຳຝຣັ່ງ -
Vietnam Airline ແມ່ນບໍລິສັດການບິນທີ 2ໃນໂລກ
ຮັບເຮືອບິນAirbusA350. (ພາບ:Airbus)
(vovworld) – ວັນທີ 30/6, ບໍລິສັດການບິນ Airbus ໄດ້ດຳເນີນພິທີມອບຮັບເຮືອບິນ A350-900 ລຳທຳອິດໃນການຊື້ເຮືອບິນ 10 ລຳ ແລະ ເຊົ່າເຮືອບິນ 4 ລຳໃຫ້ບໍລິສັດການບິນແຫ່ງຊາດຫວຽດນາມ (Vietnam Airline). Vietnam Airline ໄດ້ກາຍເປັນບໍລິສັດທຳອິດຢູ່ພາກພື້ນ ແລະ ທີ 2 ໃນໂລກນຳເຮືອບິນ A350-900 ເຂົ້າໃຊ້ການ. ກ່າວຄຳເຫັນທີ່ພິທີມອບສົ່ງ, ທ່ານຮອງຜູ້ອຳນວຍການໃຫຍ່ການຄ້າ Vietnam Airline ຈິ້ງງອກແທ່ງ ເນັ້ນໜັກວ່າ: ເລື່ອງມອບຮັບເຮືອບິນ A350-900 ຈະເປັນບາດກ້າວໃໝ່ເພື່ອຫັນການປະຕິບັດຄຳໝັ້ນສັນຍາຂອງ Vietnam Airline ໃຫ້ປະກົດຜົນເປັນຈິງດີກ່ວາ. ທ່ານປະທານ ແລະ ຜູ້ອຳນວຍການບໍລິຫານຂອງ Airbus Fabrice Bregier ຕີລາຄາສູງການຮ່ວມມືກັບ ຫວຽດນາມ ແລະ ພິເສດກັບຄູ່ຮ່ວມມືໃຫຍ່ແມ່ນ Vietnam Airline. ທ່ານ Bregier ຢືນຢັນວ່າ: Vietnam Airline ແມ່ນໜຶ່ງໃນບັນດາຄູ່ຮ່ວມມືສຳຄັນທີ່ສຸດຂອງ Airbus ຢູ່ອາຊີຕາເວັນອອກ. Airbus ປາດຖະໜາວ່າ: Vietnam Airline ຈະກາຍເປັນຜູ້ຕາງໜ້າຊ່ວຍໂຄສະນາເຮືອບິນ A350-900 ເຊິ່ງເປັນເຮືອບິນທີ່ທັນສະໄໝທີ່ສຸດ ແລະ ປະຢັດເຊື້ອໄຟຫຼາຍທີ່ສຸດເຖິງ 25% ເມື່ອທຽບໃສ່ເຮືອບິນລຸ້ນເກົ່າ.
ທຸ່່ຍເວີນ, ນັກຂ່າວ VOV ປະຈຳຝຣັ່ງ