VOV ພາສາອັງກິດ 24/7 ເລີ່ມອອກອາກາດ ຢ່າງເປັນທາງການແຕ່ວັນທີ 1/10/2015
(ພາກພາສາອັງກິດ 24/7, VOV
ເລີ່ມອອກອາກາດຢ່າງເປັນທາງການແຕ່ວັນທີ 1/10/2015)
(vovworld) - ວິທະຍຸກະຈາຍສຽງຫວຽດນາມ (VOV) ພາກພາສາອັງກິດ 24/7 ເລີ່ມອອກອາກາດຢ່າງເປັນທາງການແຕ່ວັນທີ 1/10/2015, ດ້ວຍຄວາມຖີ່ 104 MHz, ເພື່ອຮັບໃຊ້ຜູ້ຟັງຊາວຕ່າງປະເທດຢູ່ທຸກທະວີບ, ຊາວຫວຽດນາມ ຢູ່ຕ່າງປະເທດ, ຊາວຫວຽດນາມ ຮູ້ພາສາອັງກິດ ແລະ ຊາວຕ່າງປະເທດທີ່ພວມດຳລົງຊີວິດ, ເຮັດວຽກ ແລະ ທ່ອງທ່ຽວຢູ່ຫວຽດນາມ.
ໄລຍະທຳອິດ, VOV ພາກພາສາອັງກິດ 24/7 ຈະອອກອາກາດແຕ່ເວລາ 6.00 ໂມງ - 24.00 ໂມງ, ໃນນັ້ນອອກອາກາດສົດ 4 ຊົ່ວໂມງ/ວັນ ໃນເວລາ 8.00 ໂມງ - 10.00 ໂມງ; 18.00 ໂມງ - 20.00 ໂມງ. VOV ພາກພາສາອັງກິດ 24/7 ຈະສະໜອງບັນດາຂ່າວກ່ຽວຂ້ອງເຖິງທຸກຂົງເຂດ, ຊີວິດທາງການເມືອງ, ເສດຖະກິດ, ວັດທະນະທຳ, ສັງຄົມ, ການບັນເທີງ ເຖິງທ່ານຜູ້ຟັງ, ດ້ວຍບັນດາລາຍການ: ຂ່າວສະຖານະການ, ເສດຖະກິດ, ຄົ້ນຫາຫວຽດນາມ, ປ່ອງຢ້ຽມວັດທະນະທຳ, ສີສັນ 54 ຊົນເຜົ່າຫວຽດນາມ, ໄປໄສເບິ່ງຫຍັງ, ອາຫານການກິນຫວຽດນາມ… VOV ພາກພາສາອັງກິດ 24/7 ແມ່ນຂົວຕໍ່ຫວຽດນາມກັບເພື່ອນມິດສາກົນ, ເປັນເພື່ອນຜູ້ສະໜິດສະໜົມຂອງທຸກຄອບຄົວ.
ທຸກສິ່ງທຸກຢ່າງມ່ວນທີ່ສຸດລ້ວນແຕ່ປະກົດໃນ VOV ພາກພາສາອັງກິດ 24/7, ດ້ວຍຄວາມຖີ່ 104 MHz ແລະ ໃນເວັບໄຊ: vovworld.vn.