WHO ກ່າວເຕືອນ ປະຊາກອນ ເອີຣົບ ກວ່າ 50% ມີຄວາມສ່ຽງຕິດເຊື້ອໄວຣັດກາຍພັນ Omicron ໃນ 6 - 8 ອາທິດຈະມາເຖິງ
(VOVWORLD) - ຕາມເວັບໄຊສະຖິຕິ worldometer.info ແລ້ວ, ໄລ່ຮອດຕອນເຊົ້າວັນທີ 12 ມັງກອນ, ທົ່ວໂລກຢັ້ງຢືນມີຜູ້ຕິດເຊື້ອພະຍາດໂຄວິດ - 19 ລວມທັງໝົດ ກວ່າ 313,6 ລ້ານຄົນ, ໃນນັ້ນ ມີຜູ້ເສຍຊີວິດກວ່າ 5,5 ລ້ານຄົນ.
 ການປິ່ນປົວຄົນເຈັບຕິດເຊື້ອໂຄວິດ - 19 ຢູ່ຝລັ່ງ (ພາບ: AFP /TTXVN) |
ຈຳນວນຜູ້ຕິດເຊື້ອໃໝ່ໃນຮອບເວລາ 24 ຊົ່ວໂມງຜ່ານມາ ແມ່ນກວ່າ 2,5 ລ້ານ ແລະ ມີຜູ້ເສຍຊີວິດໃໝ່ກວ່າ 7,3 ລ້ານ. ປະເທດທີ່ມີຜູ້ຕິດເຊື້ອໃໝ່ຫຼາຍທີ່ສຸດແມ່ນ ຝລັ່ງ, ຖັດມາແມ່ນ ອາເມລິກາ ແລະ ອີຕາລີ.
ເອີຣົບ ແມ່ນພາກພື້ນຖືກຜົນກະທົບຢ່າງໜັກໜ່ວງທີ່ສຸດຈາກໂລກລະບາດໂຄວິດ - 19. ປະຊາກອນເອີຣົບກວ່າ 50% ຈະຕິດເຊື້ອໄວຣັດກາຍພັນ Omicron ໃນ 2 ເດືອນຈະມາເຖິງ ຖ້າຫາກວ່າ ພະຍາດຍັງລະບາດໄວຄືນໃນປັດຈຸບັນ. ນີ້ແມ່ນຂໍ້ສັງເກດຫຼ້າສຸດຂອງຜູ້ຕາງໜ້າອົງການອະນາໄມໂລກ (WHO) ປະຈຳ ເອີຣົບ ທີ່ໄດ້ຍົກອອກມາໃນວັນທີ 11 ມັງກອນ. ໄລ່ຮອດວັນທີ 10 ມັງກອນ, ມີ 26 ປະເທດໃນພາກພື້ນເອີຣົບ ຢັ້ງຢືນວ່າ ແຕ່ລະອາທິດມີຜູ້ຕິດເຊື້ອໂຄວິດ - 19 ກວ່າ 1%. ຕາມລະດັບຄວາມໄວຂອງການແຜ່ລະບາດຄືໃນປັດຈຸບັນ, ສະຖາບັນວັດແທກ ແລະ ປະເມີນສຸຂະພາບ (IHME) ຄາດຄະເນວ່າ ມີຫຼາຍກວ່າ 50% ປະຊາກອນ ເອີຣົບ ຈະຕິດເຊື້ອໄວຣັດກາຍພັນ Omicron ໃນ 6 – 8 ອາທິດຈະມາເຖິງ.