ທ່ານ Tedros Adhanom Ghebreyesus ຜູ້ອຳນວຍການໃຫຍ່ ອົງການອະນາໄມໂລກ (ພາບ: AP)

ວັນທີ 12 ເມສາ, ທ່ານ Tedros Adhanom Ghebreyesus ຜູ້ອຳນວຍການໃຫຍ່ ອົງການອະນາໄມໂລກ (WHO) ໄດ້ກ່າວເຕືອນວ່າ ສະພາບການໂລກລະບາດໂຄວິດ - 19 ຍັງຈະເກີດຂຶ້ນໃນເວລາອັນຍາວນານ ຈຶ່ງຈະສິ້ນສຸດລົງ ໃນຂະນະທີ່ຢູ່ ຫຼາຍປະເທດ, ອຳນາດການປົກຄອງ ແລະ ປະຊາຊົນ ນັບມື້ນັບມີຄວາມໃນຕົວ, ລະເລີຍ ຕໍ່ການປ້ອງກັນ, ສະກັດກັ້ນໂລກລະບາດໂຄວິດ - 19. ທີ່ການຖະແຫຼງຂ່າວ ປະຈຳອາທິດ ກ່ຽວກັບໂລກລະບາດໂຄວິດ - 19 ຢູ່ ເຊີແນວ, ປະເທດ ສະວິດ, ທ່ານ Tedros Adhanom Ghebreyesus ເນັ້ນໜັກວ່າ:

        ໃນເດືອນມັງກອນ ແລະ ເດືອນກຸມພາປີນີ້, ໂລກໄດ້ເຫັນປະຈັກຕາຈຳນວນຜູ້ຕິດເຊື້ອພະຍາດໂຄວິດ - 19 ຫຼຸດລົງໃນ 6 ອາທິດຢ່າງລຽນຕິດ. ແຕ່ວ່າ, ປັດຈຸບັນ ຈຳນວນຜູ້ຕິດເຊື້ອພະຍາດໂຄວິດ - 19 ໄດ້ເພີ່ມຂຶ້ນຢ່າງຕໍ່ເນື່ອງໃນຮອບເວລາ 7 ອາທິດທີ່ຜ່ານມາ, ຈຳນວນຜູ້ເສຍຊີວິດກໍ່ໄດ້ເພີ່ມຂຶ້ນຢ່າງລຽນຕິດໃນຮອບເວລາ 4 ອາທິດຜ່ານມາ. ຫຼາຍປະເທດ ຢູ່ ອາຊີ ແລະ ຕາເວັນອອກກາງ ມີຈຳນວນຜູ້ຕິດເຊື້ອພະຍາດໂຄວິດ - 19 ພວມເພີ່ມຂຶ້ນໂດຍໄວ. ທຸກສິ່ງທຸກຢ່າງດັ່ງກ່າວ ໄດ້ເກີດຂຶ້ນ ໂດຍບໍ່ຫົວຊາຕໍ່ສະພາບການຕົວຈິງທີ່ວ່າ ມີວັກຊິນກັນໂຄວິດ ກ່ວາ 780 ລ້ານໂດສ ໄດ້ຮັບການສັກໃຫ້ປະຊາຊົນໃນທົ່ວໂລກ.