ທີ່ການຖະແຫຼງຂ່າວພິເສດເມື່ອວັນທີ 29 ຕຸລາ, ທ່ານ Emilio Lozada, ຫົວໜ້າກົມບັນດາບັນຫາສອງຝ່າຍຂຶ້ນກັບກະຊວງການຕ່າງປະເທດ ກູບາ ໃຫ້ຮູ້ວ່າ: ທ່ານ Miguel Diaz –Canel, ປະທານສະພາແຫ່ງລັດ ແລະ ສະພາລັດຖະມົນຕີ ກູບາ ຈະມີການຢ້ຽມຢາມ ຫວຽດນາມ ແຕ່ວັນທີ 8 -10 ພະຈິກຢ່າງເປັນທາງການ. ໃນເວລາຢູ່ຢ້ຽມຢາມ ຫວຽດນາມ, ທ່ານປະທານ ກູບາ ຈະພົບປະສະເພາະກັບທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ; ທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານນາງປະທານສະພາແຫ່ງຊາດ ຫງວຽນທິກິມເງິນ, ພ້ອມກັບການເຄື່ອນໄຫວອື່ນອີກຈຳນວນໜຶ່ງ.

        ໃນການຢ້ຽມຢາມບັນດາປະເທດອື່ນໆແຕ່ວັນທີ 1 – 12 ພະຈິກ, ທ່ານປະທານກູບາ ຈະພົບປະກັບການນຳຂັ້ນສູງສຸດຂອງແຕ່ລະປະເທດ. ຢູ່ລັດເຊຍ, ຄາດວ່າທ່ານປະທານ Miguel Diaz –Canel ຈະເຈລະຈາກັບທ່ານປະທານາທິບໍດີ Vladimir Putin ແລະ ທ່ານນາຍົກລັດຖະມົນຕີ Dmitry Medvedev, ພ້ອມກັບການນຳ Duma ແຫ່ງຊາດ (ສະພາຕ່ຳ) ລັດເຊຍ ແລະ ສະພາສະຫະລັດ (ສະພາສູງ) ລັດເຊຍ.

        ນອກຈາກນັ້ນ, ທ່ານປະທານ Miguel Diaz –Canel ກໍ່ຈະໄປຢ້ຽມຢາມ ແລະ ພົບປະເຈລະຈາກັບການນຳ ສປປ ເກົາຫຼີ ແລະ ການນຳ ສປປ ລາວ.