(vovworld) – ລັດ​ຖະ​ບານ ກູ​ບາ ແລະ ອ​າ​ເມ​ລິ​ກາ ຈະ​ຮັກ​ສາ​ການ​ໂອ້​ລົມ​ສົນ​ທະ​ນາ​ເພື່ອ​ສ້າງ​ຕັ້ງ​ການ​ພົ​ວ​ພັນ​ທາງ​ການ​ທູດ​ຄືນ​ໃໝ່​ເວົ້າ​ສະ​ເພາະ ແລະ ສ້າງ​ການ​ພົວ​ພັນ​ລະ​ຫວ່າງ 2 ປະ​ເທດ​ເວົ້າ​​ລວມ​ເປັນ​ປົກ​ກະ​ຕິ. ຖະ​ແຫຼງ​ການ​ດັ່ງ​ກ່າວ​ໄດ້​ຍົກ​ອອກ​ມາ​ພາຍຫຼັງ​ການ​ເຈ​ລະ​ຈາ​ທາງ​ການ​ຄັ້ງ​ທຳ​ອິດ​ລະ​ຫວ່າງ 2 ປະ​ເທດກ່ຽວ​ກັບ​ບັນ​ຫາ​ດັ່ງ​ກ່າວ, ດຳ​ເນີນ​ໄປ​ໃນ​ວັນ​ທີ 21 – 22/1 ຢູ່​ນະ​ຄອນຫຼວງ ລາ​ຮາ​ວານ. 2 ຝ່າຍກໍ່​ປຶກ​ສາ​ຫາ​ລື​ກ່ຽວ​ກັບ​ຄວາມ​ສາ​ມາດ​ຮ່ວມ​ມື​ໃນ​ຂົງ​ເຂດ​ຕ້ານ​ການ​ຄ້າ​ມະ​ນຸດ, ຊອກ​ຫາ​ກູ​້​ໄພ​ກູ້​ຊີບ​ໃນ​ກໍ​ລະ​ນີ​ເກີດ​ອຸ​ບັດ​ຕິ​ເຫດ​ທາງ​ອາ​ກາດ, ປົກ​ປັກ​ຮັກ​ສາ​ສິ່ງ​ແວດ​ລ້ອມ, ຕ້ານ​ໂລກ​ພະ​ຍາດ Ebola, ໂທ​ລະ​ຄົມ​ມະ​ນາ​ຄົມ.

        ທີ່​ການ​ປະ​ຊຸມ​ຂ່າວ​ພາຍຫຼັງ​ການ​ເຈ​ລະ​ຈາ, ຫົວ​ໜ້າ​ຂອງ 2 ຄະ​ນະ​ປະ​ຕິ​ບັດ​ງານ, ຫົວ​ໜ້າ​ກົມ​ຮັບ​ຜິດ​ຊອບ​ບັນ​ດ​າ​ບັ​ນ​ຫາ​ກ່ຽວ​ກັບ​ອາ​ເມ​ລິ​ກາ ຂອງ​ກະ​ຊ​ວງ​ການ​ຕ່າງ​ປະ​ເທດ ກູ​ບາ ທ່ານ​ນາງ Josefina Vidal ແລະ ຜູ​້​ຊ່ວຍ​ວຽກ​ລັດ​ຖະ​ມົນ​ຕີ​ວ່າ​ການ​ກະ​ຊວງ​ການ​ຕ່າງ​ປະ​ເທດ ອາ​ເມ​ລິ​ກາ ຮັບ​ຜິດ​ຊອບ ​ເຄິ່ງ​ໜ່ວຍ​ໂລກ​ຕາ​ເວັນ​ຕົກ ທ່ານນາງ Roberta Jacobson ລ້ວນ​ແຕ່​ໃຫ້​ຮູ້​ວ່າ: ຍັງ​ບໍ່​ທັນ​ກຳ​ນົດ​ຈຸດ​ເວ​ລາ​ເປີດ​ສະ​ຖານ​ທູ​ດ​ລະ​ຫວ່າງ 2 ປະ​ເທດ ແລະ ຢັ້ງ​ຢືນ​ຖື​ສົນ​ທິ​ສັນ​ຍາ Viene ແມ່ນ​ພື້ນ​ຖານ​ດ້ານ​ນິ​ຕິ​ກຳ​ໃຫ້​ວິ​ວັດ​ການນີ້.