(vovworld) – ຕາມຂໍ້ສະເໜີຂອງສະມາຊິກສະພາແຫ່ງຊາດ ບຸນກາຣີ ທ່ານ Dimitar Dubov, ປະທານກຸ່ມສະມາຊິກສະພາແຫ່ງຊາດມິດຕະພາບ ບຸນກາຣີ - ຫວຽດນາມ, ທ່ານເອກອັກຄະລັດຖະທູດ ຫວຽດນາມ ປະຈຳ ບຸນກາຣີ ເລດຶກລືວ ໄດ້ແຈ້ງໃຫ້ກຸ່ມສະມາຊິກສະພາແຫ່ງຊາດມິດຕະພາບ ບຸນກາຣີ - ຫວຽດນາມ ຊາບກ່ຽວກັບເລື່ອງ ຈີນ ຕັ້ງຮ້ານເຈາະນ້ຳມັນ ໄຮຢາງ -981 ຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີຂອງ ຫວຽດນາມ, ທ່ານ Dubov ຖະແຫຼງວ່າ: ບຸນກາຣີ ສະໜັບສະໜູນຖະແຫຼງການເມື່ອວັນທີ 8/5 ຂອງໂຄສົກຂະຫຼວງໃຫຍ່ຮັບຜິດຊອບການພົວພັນຕ່າງປະເທດ ແລະ ນະໂຍບາຍປ້ອງກັນຄວາມສະຫງົບຂອງສະຫະພາບ ເອີລົບ (EU) ທີ່ກ່ຽວຂ້ອງເຖິງບັນຫານີ້ຢ່າງສົມບູນ. ກູ່ມສະມາຊິກສະພາແຫ່ງຊາດມິດຕະພາບ ບຸນກາຣີ - ຫວຽດນາມ ຮຽກຮ້ອງ ຈີນ ຕ້ອງປະຕິບັດບັນດາມາດຕະການເພື່ອແນໃສ່ຫລຸດຜ່ອນຄວາມເຄັ່ງຕຶງ ແລະ ລະງັບໂດຍບໍ່ວ່າການກະທຳພຽງລຳພັງຝ່າຍດຽວອາດຈະສົ່ງຜົນຮ້າຍເຖິງສັນຕິພາບ ແລະ ຄວາມສະຖຽນລະພາບໃນພາກພື້ນ, ຮຽກຮ້ອງ ຈີນເຄົາລົບສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS) ປີ 1982, ເຄົາລົບຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ ປີ 2002 (DOC) ເຊິ່ງ ຈີນ ແມ່ນຝ່າຍໜຶ່ງເຂົ້າຮ່ວມການລົງນາມ, ຮຽກຮ້ອງໃຫ້ບັນດາປະເທດກ່ຽວຂ້ອງເຖິງວິວັດທະນາການເຈລະຈາແກ້ໄຂບັນດາການຂັດແຍ້ງຕມາມາດຕະການໂດຍສັນຕິວິທີ ແລະ ຮັບປະກັນຄວາມປອດໄພ, ຄວາມສະຫງົບ, ຄວາມເສລີໃນການເດີນເຮືອຢູ່ທະເລຕາເວັນອອກ.