(ພາບ:TTXVN)

(vovworld)-​​​​ ​ ​ ວັນ​ທີ 13/10, ກຸ່ມ​ຫຼັກ​ແຫຼ່ງກຸ່ມ​ໜຶ່ງ​ຂຶ້ນ​ກັບ​ພັນທະ​ມິດ​ຊົນ​ຊາດ​ຊີຣີ (SNC) ຝ່າຍ​ຄ້ານ​ຕົ້ນຕໍ ​ໄດ້​ປະກາດ​ຈະ​ບໍ່​ເຂົ້າຮ່ວມ​ການ​ເຈລະຈາ​ສັນຕິພາບ​ຄື​ດັ່ງ​ໄດ້​ສະ​ເໜີ​ຢູ່​ເຊີ​ແນວ ປະ​ເທດ​ສະ​ວິດ ​ແລະ ຈະ​ອອກ​ຈາກ SNC ຖ້າ​ຫາກ​ວ່າພັນທະ​ມິດ​ນີ້​ເຂົ້າຮ່ວມ​ການ​ເຈລະຈາ. ທ່ານ George Sabra ປະທານ​ສະພາ​ຊົນ​ເຜົ່າ​ຊີຣີ ​ເວົ້າວ່າ: “ຕໍ່ໜ້າ​ສະພາບ​ການ​ປະຈຸ​ບັນ, ສະພາ​ຊົນ​ເຜົ່າ​ຊີຣີ ຊື່​ງ​ແມ່ນ​ອົງການ​ໃຫ່ຍກ່ວາ​ໝູ່​ໃນ SNC ​ໄດ້ຕົກລົງ​ບໍ່​ໄປ​ເຊີ​ແນວ. ສິ່ງ​ດັ່ງກ່າວ​ໝາຍ​ຄວາມ​ວ່າ, ພວກ​ຂ້າພະ​ເຈົ້າຈະ​ບໍ່​ຢູ່​ SNC ອີກ ຖ້າ​ພັນທະ​ມິດ​ນີ້​ໄປ​ເຊີ​ແນວ“. ທ່ານ George Sabra ປະກາດ​ວ່າ: ອົງການ​ຂອງ​ທ່ານ​ຈະ​ບໍ່​ດຳ​ເນີນ​ການເຈລະຈາ ກ່ອນ​ທີ່​ອຳນາດ​ການ​ປົກຄອງ​ຂອງ​ປະທານາທິບໍດີ​ຊີຣີ Bashar al Assad ຖືກ​ຊຸດ​ໂຊມ.