ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ (ພາບ: VGP)

 ເຫດການດັ່ງກ່າວ ໂດຍສະຫະສະມາຄົມຊອັບແວ ແລະ ການບໍລິການເຕັກໂນໂລຢີຂໍ້ມູນຂ່າວສານ ຫວຽດນາມ (VINASA) ສົມທົບກັບຄະນະພັດທະນາເສດຖະກິດພາກເອກະຊົນ ຈັດຕັ້ງຢູ່ ຮ່າໂນ້ຍ. ນີ້ແມ່ນຄັ້ງທີ 8 ທີ່ລາຍການໄດ້ຈັດຕັ້ງດ້ວຍຫົວຂໍ້ວ່າ “ມຸ່ງໄປເຖິງລັດຖະບານດີຈີຕອນ ແລະ ເສດຖະກິດດີຈີຕອນ”. ກ່າວຄຳເຫັນຢູ່ຕໍ່ໜ້າບັນດານັກປາຖະກະຖາ, ວິສາຫະກິດ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາສູງເນືຶ້ື້ອໃນຂອງເວທີປາໄສ ແລະ ຖືວ່າ: ບັນດາຫົວເລື່ອງປຶກສາຫາລືສະເພາະມີສ່ວນກ່ຽວຂ້ອງຢ່າງສະໜິດແໜ້ນເຖິງໜ້າທີ່ການກໍ່ສ້າງລັດຖະບານເອເລັກໂຕນິກ - ເຊິ່ງແມ່ນຈຸດສຸມຂອງລັດຖະບານໃນໄລຍະ 2018 – 2020, ມຸ່ງໄປເຖິງ 2025. ທ່ານນາຍົກລັດຖະມົນຕີ ຫງວຽນຊວນຟຸກ ກ່າວວ່າ:

        “ຈຸດພົ້ນເດັ່ນຂອງຜົນສຳເລັດແມ່ນປັດໄຈມະນຸດ, ມາດຕະຖານແຫຼ່ງຊັບພະຍາກອນມະນຸດ 4.0 ທັງວົງກ້ວາງ ແລະ ມີທັກສະສູງ ແມ່ນຄວາມຮຽກຮ້ອງຕ້ອງການທີ່ຈຳເປັນໃນສະເພາະໜ້າ ແລະ ຍາວນານ. ບໍ່ພຽງແຕ່ເອົາໃຈໃສ່ເຖິງການສຶກສາບຳລຸງສ້າງເທົ່ານັ້ນ ຫາກຍັງເອົາໃຈໃສ່ເຖິງສະພາບແວດລ້ອມແຫ່ງການດຳລົງຊີວິດ, ເຮັດວຽກ, ລາຍຮັບ, ປະກັນໄພອີກດ້ວຍ…”

        ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີວ່າ ການປັບປຸງໃຫ້ສົມບູນແບບ ແລະ ຍົກສູງຄຸນນະພາບລະບອບລະບຽບກົດໝາຍ, ນະໂຍບາຍພື້ນຖານໃຫ້ການກໍ່ສ້າງລັດຖະບານເອເລັກໂຕນິກ, ລະອຽດແມ່ນການລົງທຶນໝູນໃຊ້ເຕັກໂນໂລຢີຂໍ້ມູນຂ່າວສານ; ເຊື່ອມຕໍ່ແບ່ງປັນຂໍ້ມູນ, ປົກປ້ອງຂໍ້ມູນສ່ວນຕົວ…