ກອງ​ປະ​ຊຸມ​ທະ​ວີ​ຄູນ​ຮູບ​ແບບ​ສະ​ຫະ​ກອນ​ແບບ​ໃຫມ່ ພາບ:TTXVN

(vovworld)- ​ທີ່​ການ​ໂອ້​ລົມ​ສົນ​ທະ​ນາ​​ຫົວ​ເລື່ອງ​ສະ​ເພາ​ະກ່ຽວ​ກັບ​ການບຳ​ລຸງພະ​ນັກ​ງານ​ແນວ​ໂຮມ​ປະ​ເທດ​ຊາດ ຢູ່ 28 ແຂວງ​ທາງ​ພາກ​ເຫນືອ ຊື່ງ​ຈັດ​ຂຶ້ນ​ໃນ​ວັນ​ທີ 24/8 ຢູ່ ຮ່າ​ໂນ້ຍ, ທ່ານ​ປະ​ທານຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດ​ນາມ ຫງວຽນ​ທ້ຽນ​ເຍີນ ໄດ້​ຢືນ​ຢັນວ່າ: ການກໍ່​ສ້າງ​ສະ​ຫະ​ກອນ​ແບບ​ໃຫມ່ ແມ່ນ​ຂອດ​ບຸກ​ທະ​ລຸ​ໃນ​ການ​ສ້າງ​ອົງ​ປະ​ກອບ​ກະ​ສິ​ກຳ​ຄືນ​ໃຫມ່. ທ່ານ ຫງວຽນ​ທ້ຽນ​ເຍີນ ກໍ​ຊີ້​ແຈ້ງວ່າ ຄຽງ​ຂ້າງວິ​ສາ​ຫະ​ກິດ, ສະ​ຫະ​ກອນ ກໍ​ຕ້ອງ​ນຳ​ໃຊ້​ກົນ​ຈັກ​ເຂົ້າ​ໃນ​ການ​ຜະ​ລິດ, ຊົນ​ລະ​ປະ​ທານ, ຫັນ​ການ​ຜະ​ລິດ​ກະ​ສິ​ກຳ​ເປັນ​ທັນ​ສະ​ໄຫມ​ຢ່າງ​ມີ​ປະ​ສິດ​ທິ​ຜົນ. ສະ​ນັ້ນ ຄວນ​ປ່ຽນ​ໃຫມ່​ຄວາມ​ຮັບ​ຮູ້​ກ່ຽວ​ກັບ​ບົດ​ບາດ, ພາ​ລະ​ຫນ້າ​ທີ່​ຂອງ​ສະ​ຫະ​ກອນ​ຜ່ານ​ບັນ​ດາ​ລາຍ​ການ​​ເຜ​ີຍ​ແຜ່​ກົດ​ໝາຍ​ວ່າ​ດ້ວຍ​ສະ​ຫະ​ກອນ​ປີ 2012 ​ຢ່າ​ງ​ເລິກ​ເຊິ່ງກວ້າງ​ຂວາງ, ບົດ​ບາດ​ຕັ້ງ​ຫນ້າຂອງ​ສະ​ຫະ​ກອນແບບ​ໃຫ​ມ່. ພິ​ເສດ ໃນ​ວິ​ວັດ​ການ​ສ້າ​ງ​ອົງ​ປະ​ກອບ​ກະ​ສິ​ກຳ​ຄືນ​ໃຫມ່ ​ມຸ້ງ​ໄປ​ເຖິງ​ການ​ຜະ​ລິດ​ຂອບ​ຂະ​ຫນາດ​ໃຫຍ່ ດ້ວຍ​ບັນ​ດາ​ຜະ​ລິດ​ຕະ​ພັນ​ຫລັກ​ແຫລ່ງ, ຄວນ​ນຳ​ໃຊ້​ບັນ​ດາ​ແນວ​ພັນ​ມີ​ຄຸນ​ນະ​ພາບ​ສູງ, ສະ​ມັດ​ຕະ​ພາບ​ສູງ, ຂັ້ນ​ຕອນ​ການ​ປູກ​ຝັງ​ທັນ​ສະ​ໄຫມ ຕິດ​ພັນ​ກັບ​ການ​ປຸງ​ແຕ່ງ, ການ​ຈຳ​ຫນ່າຍ, ສົ່ງ​ອອກ​ຜະ​ລິດ​ຕະ​ພັນ, ປັດ​ໄຈ​ສຳ​ຄັນ​ທີ່​ສຸດ​ໃນ​ວິ​ວັດ​ການ​ສ້າງ​ອົງ​ປະ​ກອບ​ກະ​ສິ​ກຳ​ຄ​ືນ​ໃຫມ່​ຕ້ອງແມ່ນ​ບັນ​ດາ​ສະ​ຫະ​ກອນ.