ກອງບັນຊາການທະຫານປ້ອງກັນຊາຍແດນຮັບ ຊຸດເອກະສານແຜນທີ່ : ຮ່ວາງຊາ ແລະ ເຈືອງຊາ
ການນຳກະຊວງຖະແຫຼງຂ່າວ ແລະ ສື່ສານມອບຊຸດເອກະສານແຜນທີ່ : ໝູ່ເກາະຮ່ວາງຊາ ແລະ ເຈອງຊາຂອງຫວຽດນາມໃຫ້ແກ່ກອງບັນຊາການທະຫານປ້ອງກັນຊາຍແດນ |
(vovworld)- ຕອນເຊົ້າວັນທີ 2/3, ຢູ່ຮ່າໂນ້ຍ, ກະຊວງຖະແຫຼງຂ່າວ ແລະ ສື່ສານໄດ້ມອບຊຸດເອກະສານແຜນທີ່ : ໝູ່ເກາະຮ່ວາງຊາ ແລະ ເຈອງຊາຂອງຫວຽດນາມ - ບັນດາພະຍານຫຼັກຖານປະຫວັດສາດ ແລະ ນິຕິທຳ ໃຫ້ແກ່ກອງບັນຊາການທະຫານປ້ອງກັນຊາຍແດນ. ທ່ານລັດຖະມົນຕີວ່າການກະຊວງຖະແຫຼງຂ່າວ ແລະ ສື່ສານ ເຈອງມິນຕ້ວນ ໄດ້ມອບເອກະສານແຜນທີ່ 180 ແຜ່ນໃຫ້ແກ່ກອງບັນຊາການທະຫານປ້ອງກັນຊາຍແດນ. ນີ້ແມ່ນຊຸດເອກະສານທີ່ຫາຍາກ, ຖືກຮວບຮ່ວມຈາກບັນດາແຫຼ່ງເອກະສານທີ່ໄດ້ປະກາດຈາກບັນດານັກຄົ້ນຄ້ວາທັງຢູ່ພາຍໃນປະເທດ ແລະ ສາກົນ. ເປັນໜ້າສົນໃຈແມ່ນໃນນັ້ນ, ມີພະລາຊະດຳລັດສະໄໝລາດຊະວົງຫງວຽນ ທີ່ກ່ຽວຂ້ອງໂດຍກົງເຖິງບັນຫາຂຸດຄົ້ນ, ຄຸ້ມຄອງ, ກຳນົດ ແລະ ປະຕິບັດອະທິປະໄຕຂອງຫວຽດນາມທີ່ມີຕໍ່ 2 ໝູ່ເກາະຮ່ວາງຊາ ແລະ ເຈືອງຊາຂອງຫວຽດນາມໃນ ສະໄໝລາດຊະວົງຫງວຽນ ( 1802 – 1945) . ນອກຈາກນັ້ນ, ມີເອກະສານຫຼາຍສະບັບໂດຍບັນດາປະເທດຝ່າຍຕາເວັນຕົກ ແລະ ປະເທດຈີນເອງປະກາດນັ້ນ, ໄດ້ສະແດງໃຫ້ເຫັນວ່າ : ຈີນບໍ່ມີອະທິປະໄຕທີ່ມີຕໍ່ 2 ໝູ່ເກາະຮ່ວາງຊາ ແລະ ເຈອງຊາ.