(vovworld) - ກອງ​ປະຊຸມ​ປ້ອງ​ກັນ​ຄວາມ​ສະຫງົບ ມູນິກ ​ທີ່​ພວມ​ຈັດ​ຂຶ້ນ​ປະຈຳ​ປີ​ຢູ່​ເຢຍລະ​ມັນ ພວມ​ເຄັ່ງຮ້ອນ​ຂຶ້ນ ຍ້ອນ​ການ​ໂຕ​ຖຽນກັນ​ລະຫວ່າງ​ບັນດາ​ປະ​ເທດ​ມະຫາ​ອຳນາດ​ແມ່ນ ລັດ​ເຊຍ, ອາ​ເມ​ລິ​ກາ, ສະຫະພາບ​ເອີ​ລົບ (EU) ກ່ຽວ​ກັບ​ບັນດາ​ບັນຫາ​ຄື ຊີຣີ ​ແລະ ອູ​ແກຼມ. ບັນດາ​ຜົນ​ປະ​ໂຫຍ​ດຍຸດ​ທະ​ສາດ, ບັນດາ​ອຸບາຍໄລ່​ດ້ານ​ການ​ເມືອງ​ພວມ​ເຮັດ​ໃຫ້​ຝ່າຍ​ຕ່າງໆ​ບໍ່​ສາມາດ​ຊອກ​ຫາ​ສຽງ​ເວົ້າ​ລວມ​ໄດ້. ​ເລີ່​ມຕົ້ນ​ການ​ໂຕ​ຖຽນກັນ​ນີ້ ​ແມ່ນ​ບັນດາ​ທັດສະນະ​ທີ່​ກົງກັນ​ຂ້າມ​ລະຫວ່າງ​ລັດ​ເຊຍ ​ແລະ ອາ​ເມ​ລິ​ກາ, EU ກ່ຽວ​ກັບ​ບັນຫາ​ອະນາຄົດ​ຂອງ​ອູ​ແກຼມ. ທ່ານ​ລັດຖະມົນຕີ​ການ​ຕ່າງປະ​ເທດ​ລັດ​ເຊຍ Sergei Lavrov ຖື​ວ່າ ບໍ່​ມີ​​ໃຜ​ມີ​ສິດ​ຈັດ​ວາງ​ອະນາຄົດ​​ໃຫ້ອູ​ແກຼມ, ທັງ​ອາ​ເມ​ລິ​ກາ ​ແລະ EU ພວມ​ສະ​ນັບ​ສະ​ໜູນການ​ແຫ່​ຂະ​ບວນປະ​ທ້ວງ​ຢູ່​ອູ​ແກຼມ. ບໍ່​ພຽງ​ແຕ່​ຖືກຕັດ​ແຍກ​ກ່ຽວ​ກັບສະພາບ​ການ​ຢູ່​ອູ​ແກຼມ ​ເທົ່າ​ນັ້ນ ຫາກ​ການ​ພົວພັນ​ລະ​ຫວ່າງ​ລັດ​ເຊຍ ​ແລະ ອາ​ເມ​ລິ​ກາ ກໍ່ພວມວຸ້ນວາຍ​ຍ້ອນ​ສະພາບ​ການ​ຢູ່​ຊີຣີ ອີກ​ດ້ວຍ. ພາຍຫຼັງ​ບັນດາ​ການ​ເຈລະຈາ​ທີ່​ກອງ​ປະຊຸມ​ເຊີ​ແນວ 2 ປະລາ​ໄຊ, ທີ່​ກອງ​ປະຊຸມ ມູນິກ, ລັດ​ເຊຍ ​ແລະ ອາ​ເມ​ລິ​ກາ ກໍ່ດຳ​ເນີນ​ການ​ເຈລະຈາ 2 ຝ່າຍ, ​ແຕ່​ທັງ 2 ຝ່າຍ​ຍັງ​ບໍ່​ທັນ​ບົກ​ອອກ​ໄດ້​ທັດສະນະ​ລວມກ່ຽວ​ກັບ​ອະນາຄົດ​ດ້ານການ​ເມືອງ​ຂອງ​ທ່ານ​ປະທານາທິບໍດີ​ຊີຣີ Bashar al Assad.