(vovworld) - ດ້ວຍຫົວຂໍ້ວ່າ: ”ຮ່ວມແຮງຮ່ວມໃຈ ແລະ ໝັ້ນຄົງ”, ກອງປະຊຸມຂັ້ນລັດຖະມົນຕີຄັ້ງທີ 3 ຂອງບັນດາປະເທດອະນຸພາກພື້ນແມ່ນ້ຳຂອງ ກ່ຽວກັບການປ້ອງກັນ, ຕ້ານການຄ້າມະນຸດ (IMM3) ໄດ້ຈັດຂຶ້ນໃນວັນທີ 16/2, ຢູ່ ຮ່າໂນ້ຍ, ໂດຍມີການເຂົ້າຮ່ວມຂອງບັນດາລັດຖະມົນຕີທີ່ຕ່າງໜ້າໃຫ້ລັດຖະບານ 5 ປະເທດ (ຈີນ, ລາວ, ກຳປູເຈຍ, ໄທ, ມຽນມາ) ແລະ ຜູ້ຕ່າງໜ້າບັນດາອົງການ ການຕ່າງປະເທດ, ບັນດາອົງການຈັດຕັ້ງສາກົນຢູ່ ຮ່າໂນ້ຍ. ກ່າວຄວາມເຫັນໄຂກອງປະຊຸມ, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ຫົວໜ້າຄະນະຊີ້ນຳໂຄງການແຫ່ງຊາດກ່ຽວກັບການປ້ອງກັນ, ຕ້ານການຄ້າມະນຸດ ຂອງຫວຽດນາມຊີ້ແຈງວ່າ:
”ລັດຖະບານຫວຽດນາມຕີລາຄາສູງຄວາມມານະພະຍາຍາມຂອງບັນດາປະເທດສະມາຊິກ ແລະ ການສົມທົບກັນຢ່າງຕັ້ງໜ້າຂອງຄະນະເລຂາ, ການໜູນຊ່ວຍຢ່າງສຸດຈິດສຸດໃຈຂອງບັນດາອົງການຈັດຕັ້ງສາກົນໃນການ ຮ່ວມມືຕໍ່ສູ້, ປ້ອງກັນ, ຕ້ານການຄ້າມະນຸດໃນອະນຸພາກພື້ນແມ່ນ້ຳຂອງ. ລັດຖະບານຫວຽດນາມໝັ້ນໝາຍຈະປະຕິບັດເນື້ອໃນຖະແຫຼງການຮ່ວມ ເຊິ່ງໄດ້ຮັບການລົງນາມຢູ່ ຮ່າໂນ້ຍ ແລະຈະຈັດຕັ້ງການປະຕິບັດແຜນການເຄື່ອນໄຫວຢູ່ຫວຽດນາມກໍ່ຄືເຂົ້າຮ່ວມການເຄື່ອນໄຫວຕ່າງໆຢູ່ໃນເຂດ ແລະ ພາກພື້ນຢ່າງມີປະສິດທິຜົນ ”
ແລະກໍ່ຢູ່ທີ່ກອງປະຊຸມ, ຜູ້ຕ່າງໜ້າປະເທດຕ່າງໆ ໄດ້ລົງນາມໃນຖະແຫຼງ ການຮ່ວມກ່ຽວກັບຂໍ້ລິເລີ່ມຂອງລັດຖະມົນຕີໃນການປ້ອງກັນ, ຕ້ານການຄ້າມະນຸດ ຢູ່ອະນຸພາກພື້ນແມ່ນ້ຳຂອງ ສະບັບທີ 2 .