ກອງປະຊຸມຂັ້ນສູງອາຊຽນ27ອອກຖະແຫຼງການກົວລາລຳເປີ2015ກ່ຽວກັບການສ້າງຕັ້ງປະຊາຄົມອາຊຽນ
(ພາບປະກອບ)
(vovworld) – ກອງປະຊຸມຂັ້ນສູງອາຊຽນ ຄັ້ງທີ 27 (ອາຊຽນ 27) ແລະ ບັນດາກອງປະຊຸມກ່ຽວຂ້ອງຖືກດຳເນີນຢູ່ນະຄອນຫຼວງ ກົວລາລຳເປີ, ປະເທດມາເລເຊຍ ໃນລະຫວ່າງວັນທີ 18 – 22/11, ດ້ວຍການເຂົ້າຮ່ວມຂອງບັນດາການນຳທີ່ມາຈາກ 10 ປະເທດອາຊຽນ ແລະ 8 ປະເທດຄູ່ເຈລະຈາ. ອາຊຽນ 27 ແມ່ນເຫດການສຳຄັນ ໃນປີທີ່ ມາເລເຊຍ ເປັນປະທານອາຊຽນ 2015, ມຸ່ງໄປເຖິງການສ້າງຕັ້ງປະຊາຄົມອາຊຽນ ໃນວັນທີ 31/12/2015. ທີ່ກອງປະຊຸມຂັ້ນສູງອາຊຽນ ຄັ້ງນີ້, ບັນດາການນຳອາຊຽນ ໄດ້ລົງນາມໃນຖະແຫຼງການຮ່ວມກົວລາລຳເປີ 2015 ກ່ຽວກັບການສ້າງຕັ້ງປະຊາຄົມອາຊຽນ, ເປັນຂີດໝາຍສຳຄັນຂອງກຸ່ມ ໃນໄລຍະ 48 ປີແຫ່ງວັນສ້າງຕັ້ງ ແລະ ພັດທະນາ. ເຫດການຈະມີຄວາມປະທັບໃຈກວ່າ ດ້ວຍການເປັນສັກຂີພິຍານຂອງການນຳບັນດາປະເທດຄູ່ເຈລະຈາຂອງອາຊຽນ, ໃນນັ້ນມີປະທານາທິບໍດີອາເມລິກາ, ນາຍົກລັດຖະມົນຕີຈີນ, ນາຍົກລັດຖະມົນຕີຍີ່ປຸ່ນ, ປະທານາທິບໍດີສ.ເກົາຫຼີ, ນາຍົກລັດຖະມົນຕີອິນເດີຍ…