(ພາບ: laodong.com.vn)
(vovworld)- ຕອນເຊົ້າວັນທີ 2/6, ທ່ານນາງຫງວຽນທິກິມເງິນ, ຮອງປະທານສະພາແຫ່ງຊາດຫວຽດນາມ ໄດ້ເຂົ້າຮ່ວມກອງປະຊຸມຄັ້ງທີ 11 ຄະນະບໍລິຫານງານສະຫະພັນໃຫ່ຍແຮງງານຫວຽດນາມຊຸດທີ 10. ທ່ານນາງຮອງປະທານສະພາແຫ່ງຊາດຫວຽດນາມຫງວຽນທິກິມເງິນ ເນັ້ນໜັກວ່າ: ກຳມະບານຂັ້ນຕ່າງໆຄວນສືບຕໍ່ຊາບຊືມຢ່າງເລິກເຊິ່ງເນື້ອໃນຈິດໃຈມະຕິກອງປະຊຸມໃຫ່ຍພັກທົ່ວປະເທດຊຸດທີ 10 ກ່ຽວກັບຍຸດທະສາດການພັດທະນາເສດຖະກິດ-ສັງຄົມ ໄລຍະ 2011-2020, ມະຕິຂອງສະພາແຫ່ງຊາດ ແລະ ບັນດາມະຕິຂອງລັດຖະບານກ່ຽວກັບການຊີ້ນຳ, ບໍລິຫານ, ພັດທະນາເສດຖະກິດ-ສັງຄົມ ແລະ ແກ້ໄຂຄວາມຫຍຸ້ງຍາກໃຫ້ແກ່ການຜະລິດ, ດຳເນີນທຸລະກິດ. ຄຽງຂ້າງນັ້ນ, ສືບຕໍ່ປະຕິບັດມະຕິຂອງພັກກ່ຽວກັບການ “ສືບຕໍ່ກໍ່ສ້າງຊົນຊັ້ນກຳມະກອນຫວຽດນາມ ໃນໄລຍະຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ”. ທາງສະຫະພັນໃຫ່ຍແຮງງານຫວຽດນາມ ຄວນສົມທົບກັບບັນດາອົງການມີໜ້າທີ່ຮັບຜິດຊອບເພື່ອປົກປ້ອງຜົນປະໂຫຍດຂອງຜູ້ອອກແຮງງານ…ທ່ານນາງຮອງປະທານສະພາແຫ່ງຊາດຫວຽດນາມ ໃສ່ໃຈວ່າ: ກຳມະບານຂັ້ນຕ່າງໆ ຕ້ອງເປັນເຈົ້າການກ່ວາອີກໃນວຽກງານປະກອບຄຳເຫັນກໍ່ສ້າງພັກ; ເພີ່ມທະວີການຈັດບັນດາການໂອ້ລົມສົນທະນາ, ຮັບຟັງຄຳເຫັນຂອງກຳມະກອນ, ລັດຖະກອນ, ຜູ້ອອກແຮຮງງານ, ແກ້ໄຂບັນດາບັນຫາຮີບດ່ວນຂອງຊົນຊັ້ນກຳມະກອນຢ່າງມີປະສິດທິຜົນ.